Rusiya işçi miqrantlarla bağlı qanunu sərtləşdirib.
Rusiyanın Əmək və Sosial Müdafiə Nazirliyi qanun layihələrinə dəyişiklik edib. Yeni dəyişikliklə sürücü, satıcı və tibb işçisi vəzifələrinə qəbul edilən miqrantlar rus dilini və Rusiya tarixini bilmək üçün imtahan vermək tələbindən azad edilməyəcək.
Bu barədə Rusiyanın əmək və sosial müdafiə nazirinin müavini Andrey Pudov Dövlət Dumasının Əmək komitəsinin iclasında bildirib.
Beləliklə, Rusiya vətəndaşları ilə qarşılıqlı əlaqə və ünsiyyət qura bilməyən peşə sahibləri üçün işəgötürənlərin müraciətlərini kvotalara daxil etmək mümkün olmayacaq.
Dövlət Dumasının sədri Vyaçeslav Volodin Əmək və Sosial Müdafiə Nazirliyini Rusiyaya kvota əsasında dəvət olunan miqrant peşələrinin siyahısına diqqətlə baxmağı təklif edib.
“Niyə dili bilməyənləri siyahıya salmağı təklif edirsiniz? Sürücülər, satıcılar ünsiyyət qurmalıdırlar, dil bilməlidirlər, qanunları bilməlidirlər”, - deyə Volodin bildirib.
