Azərbaycanda tibbi turizm sektorunda baş verən neqativ hadisələr xaosun göstəricisi sayıla bilərmi?
Məlum olduğu kimi bir neçə gün öncə – iyul ayının 13-də Naftalan şəhərində fəaliyyət göstərən “Sun City Hotel Spa Naftalan”-da 1988-ci il təvəllüdlü Özbəkistan vətəndaşı Z.Kafarovun meyiti aşkarlandı.
[center]
[/center]Mediada dərc edilən məlumatda hadisə yerinə hüquq-mühafizə orqanlarının əməkdaşları cəlb olunduğu, ilkin ehtimallara görə, xarici qonağın ürəktutmasından öldüyü ehtimal edilir.
Bu xoşagəlməz fakt Azərbaycanın yeganə tibbi turizm zonası sayılan Naftalanın imicinə çox ciddi zərbədir. Çünki illərdir Azərbaycan hökuməti Naftalan şəhərinin müasirləşməsi, burada fəaliyyət göstərən sanatoriyaların rentabelliyinin artması üçün müvafiq tədbirlər həyata keçirməkdədir.
Naftalanın abadlaşması üçün dövlət büdcəsindən on milyonlarla manat sərf edilib.
Tibbi turizmin inkişafı Prezident İlham Əliyevin da prioritet elan etdiyi mühüm sahələrdən biridir.
Naftalan sanatoriyalarının 1940-1990-cı illərdə olan şöhrətinin yenidən özünə qaytarılması həm şəhərin inkişafının, yerli əhalinin sosial vəziyyətinin daha da yaxşılaşdırılması ilə yanaşı, həm də dövlət büdcəsinə hər il on milyonlarla xarici vəsaitin daxil olması deməkdir.
Ancaq təssüflər olsun ki, Naftalanda fəaliyyət göstərən bəzi sanatoriyaların xidmətlərini peşəkar səviyyədə qurmamaları dövlətin tibbi turizm sahəsində apardığı ümumi konsepsiyaya olduqca mənfi təsir göstərir.
Məsələyə ümumi yanaşdıqda isə sanatoriyaların böyük əksəriyyətində xidmətlə yanaşı, eyni zamanda məsuliyyətin də olmadığı aşkar sezilir.
Əlbəttə, “Sun City Hotel Spa Naftalan”-da Özbəkistan vətəndaşının ölümü ümumilikdə faciədir. Belə bir hal hər bir məkanda, hər an baş verə bilər. Bu cür faciələrdən heç kəs sığortlanmayıb.
[center]
[/center]Yuxarıda da qeyd etdiyimiz kimi sanatoriyalarda xəstələrin qəbulu zamanı ciddi tibbi müayinələr mütləq lazımdır. Məlum olduğu kimi Naftalan sanatoriyalarında həkim göstərişi, tibbi müayinələr olmadan xidmət göstərilməməlidir. Ancaq təəssüflər olsun ki, bəzən pul qazanmaq naminə bəzi sanatoriyalar bu cür ciddi prosedura əməl etmirlər. İddialara görə “Sun City Hotel Spa Naftalan”-da Özbəkistan vətəndaşının ölümü trompdan olub.
İlginc məqamlardan biri isə Həmkarlar İttifaqları Konfederasiyası “Sun City Hotel Spa Naftalan”-a xeyli vətəndaşı putyofkalarla ( göndərişlərlə ) yollayır.
“Sun City Hotel Spa Naftalan”da baş verən ölüm faktı bu sanatoriyanın peşəkarlığını ciddi sual altına alır…
Qeyd edək ki, “Sun City Hotel Spa Naftalan” ötən il fəaliyyətə başlayıb.Azfakt.com
