"Mingəçevir Mərkəzi Xəstəxanasında başıma gələnlər... 30.07.2025-ci il tarixində səhər saat 08.40 radələrində azyaşlı övladım Yusif anasından su istəyən zaman məlum oldu ki, uşaqın halı özündə deyil və qızdırması var..." "Dia-az" xəbər verir ki, bunu öz etiraz dolu müraciətində jurnalist İxtiyar Həsənli qeyd edib.
O daha sonra başına gələnləri belə nəql edir: "Su verəndən sonra uşağı qəflətən titrətmə tutdu, halsızlaşdı. Məcburən uşaqı taksi ilə Mərkəzi xəstəxananın Acil şöbəsinə çatdırdıq. Uzun müddətdir tanıdığım Məzahir həkim uşaqın xəstəlik əlamətlərini soruşdu və biz də onu detallı şəkildə izah etdik. Bu arada (adın bilmədiyim)bir tibbi bacısı yaxınlaşdı o da eyni Məzahir həkim kimi uşaqdaki əlamətləri soruşdu. Tibb bacısı uşağın qızdırmasını ölçə-ölçə bizim düzgün yerə gəlmədiyimizi söylədi(yəqin ki,biz avtomobillərin təmiri sexinə getməliyimişik).Tibbi bacısı uşağın qızdırmasını yoxladı və Məzahir həkim çox saymazyan şəkildə yerindən qımıldanmadan dedi ki, aparın “C” korpusuna. Mən yenə izah etdim ki, bu uşaqı qızdırma və titrətmə ilə bura gətirmişəm necə yəni qızdırması yoxdur. Məzahir həkim uşaqa yanaşmadan baxmadan saymazyana dedi ki, aparın uşaq xəstəxanasına.
Mən həyacanlı şəkildə uşağı çatdırdım Uşaq xəstəxanası deyilən korpusa.Qeydiyyatçı xanımlara yaxınlaşaraq bildirdim ki, uşağın durumu pisidr. Onlar da bildirdi ki, bizdə Acil şöbəsi yoxdur. Sizi yazıram Könül həkimin yanına amlator müayinəyə. Gəldik ki, Könül həkim yerində yoxdur. Bu dəfə qeydiyyatci xanım bizi Təranə həkimə yönəltdi. Tələsik gəldik Təranə həkimin yanına.Həkim bildirdi ki,gecə növbəsindən çıxdığına görə uşağa baxa bilməyəcək. Bəli, biz də qızıdırmada yanan,halsız və titrətmədə olan uşaqla qaldıq xəstəxananın dəhlizində.
Sonra məcbur oldum uşaq qucağımda Uşaq şöbəsinin müdiri Sevinc həkimin qəbuluna düşdüm. Sevinç həkimə başıma gələnləri söylədim. Sağolsun məni dinlədi və dərhal məni Aidə həkimin yanına göndərdi. Həkim bizi qarşıladı dərhal uşaqın qızdırmasını yoxladı və ilkin rəyini söylədi.Həmin ərəfədə şöbənin müdiri Sevinc həkim də gəldi və tabeliyində olan həkimə göstəriş və tapşırıqlarını verdi. Məlum oldu ki, uşaqın qızdırması 37.8-dir və boğazı şişib.Yəni heç nə Acil şöbəsində deyiləm kimi deyil. Aidə də öz növbəsində müalicə ucun dərman təyinatını yazdi. Təcili sistem köçürülməsini məsləhət gördü. Məlum oldu ki, uşağa lazım olan pereparat(sistem) xəstəxanada yoxdur və bunu mən özüm almalıyam.Təbii ki, övladımın vəziyyətdən tezliklə çıxaması üçün lazım olan təyinatları öz vəsaitim hesabına alıb gətirdim. Bu da bəh-bəhlə əhaliyə sırıdılan İcbari Tibbi Sığortanın bizə göstərdiyi “əlçatan” və “keyfiyyətli” tibbi xidmət...Üzləşdiyim biabırçılıq bunla da bitməyib.Və məlum olub ki,azyaşlı övladım Həsənli Yusifi müayinə edib təyinat yazan pediatr yox, alleqoroq imiş(bütün hallarda çəkdiyi əziyyətə görə minnətdram).
Ardınca mən Acil şöbəsinə qayıdaraq orda mənə və xəstə övladıma qarşı olan hörmətsizliyə etiraz bildirdim. Həmin ərəfədə isə Mingəçevir Şəhər Mərkəzi Xəstəxananın direktoru Ülfət həkimə zəng edərək rəhbərlik etdiyi xəstəxanadakı qanun pozuntusu haqda məlumat verdim.
İnanıram və ümid edirəm ki, Mərkəzi xəstəxananın direktoru Ülfət həkimə vəzifə öhdəliklərini yerinə yetirməyən hər bir kəsi cəzalandracaq. Mən isə öz növbəmdə Acil şöbəsində baş verən qanunsuzluqlarla bağlı prokuroluq orqanlarına rəsmi müracitə etməli olacam..."
Dia-az
