[b]Bir müddət əvvəl mediada Bakıda fəaliyyət göstərən Yaşam Klinikası, daha doğrusu bu tibb ocağının həkimi Məhəmməd Mehdi Aslaninin “özfəaliyyəti” ilə bağlı məlumatlar tirajlandı. Məlumatlarda müvafiq sertifikasiyadan keçməməsinə baxmayaraq, de-fakto həkim kimi fəaliyyət göstərən Məhəmməd Mehdi Aslaninin kütləvi şəkildə xəstələri yalançı vədlərlə aldatması kimi iddialar yer alır. Təbii ki, məlum maraqlar qarışılığında...
[/b][center]
[/center]
Bu sırada isə şəkərli diabet xəstələrinin üstünlük təşkil etdiyi bildirilir. Sən demə hörmətli həkim Məhəmməd Mehdi Aslani şəkərli diabet xəstəliyinə son qoya biləcək yeniliyə imza atıb. Bu səbəbdən də xəstələrə İran da daxil, xarici ölkələrdən bahalı dərmanlar gətirdir. Əldə edilməsi iri məbləğlərə başa gələn dərmanlarla müalicələr aparılır.
Olsun, əgər bu həqiqətdirsə yalnız alqışlamaq olar. Bu tibb elmində inqilabi yenilik olmaqla bərabər, həm də milyonlarla şəkərli diabet xəstələrinin sevincinə səbəb olardı. Olardı...
Amma Yenixeber.org-a daxil olan məlumatlara görə olmur. Və nəinki tibb elmində inqilabi yenilik və şəkərli diabet xəstələrinin sevincinə səbəb olmur, əksinə. Məhəmməd Mehdi Aslaninin xəstələri kütləvi şəkildə aldadıldıqlarını sosial şəbəkə üzərindən də ictimailəşdirirlər. Sağlıqları ilə bərabər, pullarıda gedər-gəlməz olur... Necə deyərlər, “İt də getdi, ip də getdi”.
[center]
[/center]
Maraqlıdır ki, bu məlumatlara nə Yaşam Klinikasından, nə də səbəbkar həkimdən hansısa reaksiya müşahidə edilmir. Ki, bu da iddiaları stimullaşdıracaq faktorlar sayıla bilər.
Bu istiqmətdə Yenixeber.org-a daxil olan məlumatlara görə Məhəmməd Mehdi Aslani “yeni mülicə metodu”nda tək deyil və ola da bilməz. Tam bir şəbəkədən bəhs edilir...”İxtiraçı” həkimin yerli və xarici həmkarlarının yer aldığı şəbəkədən.
***
Yeri gəlmişkən ötən il də, mediada Yaşam Klinikası ilə bağlı ilginc məlumatlar yayılmışdır. Məlumatda deyilirdi ki, bu klinika ilə bağlı İnzibati Xətalar Məcəlləsinin 215.1-ci (Tibb fəaliyyəti ilə məşğul olan şəxslər tərəfindən dövlət tibb müəssisələrinin nizamnamələrində və ya özəl tibb fəaliyyəti sahəsində onlara verilmiş lisenziyada göstərilən işlərdən və xidmətlərdən kənar tibb fəaliyyətinin həyata keçirilməsi.) maddəsi ilə inzibati protokol tərtib edilib...
Məlum aktuallğını nəzərə alıb, gərəkən araşdırmalarla mövzunu davam etdirəcəyik...(Yenixeber.org)
