Masazır qəsəbəsində, qəbiristanlıq yaxınlığında yerləşən gölün qurudularaq hissə-hissə satılması barədə redaksiyamıza məlumatlar daxil olub. İddialara görə, “Makler Əli” ləqəbi ilə tanınan şəxs bu ərazidə qeyri-rəsmi satışlar həyata keçirir və bu fəaliyyətin arxasında müəyyən təsirli şəxslərin dayandığı ehtimal olunur.
Abidin Fərzəliyevin adından istifadə edən bu şəxslər İcra başçısınında işgüzar nüfuzuna xələl gətirir. Beləki, ərazidə sakinlərə satılan evlərin qanunsuz olduğu müəyyən edilib. Məsələ ilə bağlı əraziyyə dəvət edilən jurnalistə qarşı təzyiqlər ilk öncə başçının adından daha sonra bizim mətbuat xidmətimizlə danışın cümlələri ilə yekunlaşıb. Lakin sakinlər sual edir: "gölün ərazisi qurudaraq tikinti aparan şəxslər niyə onların sənədlərini vermir...?"
Maraqlı məqam odur ki, adıçəkilən şəxs özünün mətbuat xidməti olduğun bildirib. Jurnalist fəaliyyətinə müdaxilə etmək və təzyiq göstərmək kimi əmələrindən geri qalmayan "Makler" Əli mətbuat ximəti ilə həmkarımızı telefon ünsiyyətinə çıxarıb. Bildirilir ki, Makler Əlinin təqdim etdiyi şəxs, jurnalstə Media Agentliyinin adından hətta jurnalistin peşə faliyyətini sorğulamış onun "mətbuat xidməti rəhbəri" olduğun deyərək çəkilişə ixtiyarının olmadığını bildirmişdir. Bu isə haqlı suallar doğurur: makler fəaliyyətinin qanunsuz olduğun bildiyi halda sənədsiz evlərin tikintisinə özünə yoldaş olaraq hələ bir mətbuat xidmətidə əməlinə calaq edib. Şəxs bizim fəaliyyətimizin qanunsuz olduğun deyir, müdafiə etdiyi şəxsin qanunsuz gölü qurudub satmasını isə qanuni adlandırır. Belə çıxır ki, göl ərazisi qurudulduqdan sonra Azərbaycan Respublikasının qanunları həmin əraziyə şamil edilmir. Ona görə də özünə Göyçaylı Əli deyən bu şəxsin havadarıda qanunsuz əməlin don geyindirmə cəhdləri ilə çırpındı...sadəcə buna çırpınmaq demək olar.
Şəhərsalma və Tikinti Məcəlləsinə görə:
- Belə ərazilərdə torpaq təyinatının dəyişdirilməsi və tikinti işlərinin aparılması yalnız dövlət baş planı əsasında, aidiyyəti icra orqanlarının razılığı ilə mümkündür.
- Bu tip zonalarda ekoloji tarazlığın pozulması və memarlıq-landşaftın korlanması halları şəhərsalma hüququnun ciddi pozuntusu sayılır.
İcra Hakimiyyətlərinin vəzifəsi nədir?
- Əgər belə hallardan xəbərdardırsa və tədbir görmürsə, bu, vəzifə səhlənkarlığı və ya vəzifədən sui-istifadə kimi qiymətləndirilə bilər.
- Həmçinin yerli icra orqanları bu ərazidə şəffaf və qanuni sənədləşmənin olub-olmadığını yoxlamalı, hüquq-mühafizə orqanlarını məlumatlandırmalıdır.
Masazır kimi sürətlə inkişaf edən qəsəbələrdə qeyri-rəsmi torpaq satışları və qanunsuz tikililər, həm ətraf mühitə, həm də sosial infrastrukturun planlı inkişafına ciddi təhlükə yaradır. Gölün qurudulması isə yalnız şəhərsalma deyil, həm də ekoloji qanunvericiliyin pozulması halıdır.
Hazırda məsələnin hüquqi qiymətləndirilməsi üçün aidiyyəti qurumların – Abşeron Rayon İcra Hakimiyyəti, Dövlət Şəhərsalma və Arxitektura Komitəsi, Əmlak Məsələləri Dövlət Xidməti və Ekologiya Nazirliyinin bu işə cəlb olunması və araşdırma aparması zəruridir.
Digər tərəfdən, qeyd olunan iddialar arasında yer alan “rəsmi şəxslərin adından istifadə” məsələsi də hüquqi qiymətləndirilməli haldır. Əgər bu məlumatlar təsdiqlənərsə, bu, həm Cinayət Məcəlləsinin, həm də inzibati hüquq pozuntularına dair normativlərin pozulması kimi qiymətləndirilə bilər.
Hal-hazırda məsələ ilə bağlı aidiyyəti hüquq-mühafizə orqanlarına müraciət olunacaq və ictimaiyyətə rəsmi məlumat təqdim ediləcəyini ümid edirik.
Qarşı tərəfin mövqeyini dərc etməyə hazırıq.
Bakunews.az
