“TamStore” marketlər şəbəkəsi ilə bağlı növbəti dəfə cərimə protokolu tərtib edilib. Marketlər şəbəkəsinin gömrük qaydalarını pozduğu məlum olub.
XALQ-nın məlumatına görə, “TamStore” İnzibati Xətalar Məcəlləsinin gömrük qaydaları əleyhinə olan 485.2-ci maddəsini pozub. Tələbi pozulan maddəyə əsasən, Azərbaycan Respublikasının Gömrük Məcəlləsi ilə müəyyən edilmiş hallarda qısa idxal bəyannaməsinin mallar gömrük ərazisinə gətirilməzdən əvvəl elektron formada verilməməsinə görə, vəzifəli şəxslər min manat məbləğində, hüquqi şəxslər min beş yüz manat məbləğində cərimə edilir.
“TamStore” ilə bağlı iş baxılması üçün Nərimanov rayon Məhkəməsinə göndərilib. 2 dekabr tarixində hakim Xalidə Əlisoyun sədrliyi ilə işə baxılacaq.
Xatırladaq ki, “TamStore” supermarketlərinin sahibi olan “TamStore” MMC “Avrora Qrup” tərəfindən 2023-cü ildə yaradılıb. “TamStore” MMC-nin qanuni təmsilçisi Ceyhun Yusubov Lətif oğludur.
“Avrora Group”un qanuni təmsilçisi Samir Natiq oğlu Əliyev, baş direktoru isə Ceyhun Yusubovdur
