Sumqayıt şəhər 37 nömrəli tam orta məktəbdə baş verən qalmaqallı hadisələrlə bağlı yeni detallar üzə çıxmağa davam edir. Özünü məktəbin direktoru kimi təqdim edən və qanunsuz olaraq direktor səlahiyyətlərini icra edən Elşad Eyvazov barəsində artıq Sumqayıt şəhər Prokurorluğu tərəfindən araşdırma başlanılıb.
Qeyd edək ki, mediada yayımlanan və redaksiyamıza daxil olan məlumata əsasən, Eyvazovun rəhbərlik etdiyi müddətdə məktəbdə ciddi pozuntulara yol verilib. Ən ciddi narazılıqlardan biri isə Elşad Eyvazovun Whatsapp vasitəsi ilə müəllimənin söyülməsi və təhqir olunması ilə bağlıdır. Mənbə bildirir ki, sonradan Elşad Eyvazov bu təhqirə görə kollektiv qarşısında müəllimədən üzr istəsə də, müəllim məhkəmə yolu ilə hüquqlarını tələb edəcəyini bəyan edib.
Zöhrə Qurbanovanın da adı hallanır
Araşdırmalar zamanı məlum olub ki, faktiki olaraq direktor vəzifəsini icra etməli olan Zöhrə Qurbanova hüquqi səlahiyyətlərini Elşad Eyvazova ötürüb və bu da qanun pozuntusudur. Məktəb sənədlərində, xüsusilə jurnallar və gündəliklərdə Eyvazovun direktor olaraq imza atması hüquqi əsasdan qadağandır. Bu məsələ ilə bağlı Z.Qurbanova artıq Sumqayıt şəhər Prokurorluğuna dəvət edilib. "Allahın ədaləti göründüyü qədər gec təcəli etsədə onların işdən çıxardıqları və haqqına girdikləri şəxslərin getməsinə sevinib xəngəl qonaqlıqları verən Zöhrə və Elşad cütlüyünün yedikləri burunlarından gətirilməkdədir."
Elşad Eyvazov eyni zamanda 10-11-ci siniflər üzrə Pilot layihənin rəhbəri kimi fəaliyyət göstərir. Araşdırmalara əsasən, həmin sinif şagirdlərinin təxminən 90%-i məktəbə gəlmir, əvəzində isə hazırlıq kurslarında iştirak edir. Valideynlərin verdiyi rüşvət müqabilində davamiyyətsizliyə göz yumulduğu iddia olunur. Bu isə layihə rəhbərinin nəzarətsizliyi və ya bilərəkdən bu qanunsuzluqlara şərait yaratması kimi qiymətləndirilir. Eyni zamanda davamiyyətsizliklə bağlı səlahiyyətli olan Zöhrə Qurbanovada məsul şəxs kimi qanun qarşısında cavab verəcəyi kollektiv tərəfindən ümid edilir. Qeyd edək ki, aldığımız məlumata görə mediada şəkili yayılan Zöhrə Qurbanova hələdə vəzifəli şəxs olduğunu və xidmət başında olduğundan şəkilinin paylaşılması tam qanunidir. Zöhrə müəllimə qanunu bilmədən müəllim yoldaşına hədə qorxu gəlməsi bax bu artıq CM-182-ci maddəsini özündə tövsüv edir.
Görünür, Elşad Eyvazov aparılan araşdırmalardan xəbər tutaraq məsuliyyətdən yayınmaq məqsədilə bülleten götürərək işə çıxmamağa başlayıb. Lakin hüquq-mühafizə orqanları prosesin gedişini nəzarətdə saxlayır və qanuni nəticələrin yaxın zamanda veriləcəyi gözlənilir.
Daha əvvəl də mətbuatda yayılan məlumatlara görə, Eyvazovun məktəbdə təşkil olunan layihələr vasitəsilə müəllimlərə ayrılan vəsaitlərin bir qismini mənimsədiyi, layihə adından istifadə edərək büdcədən qanunsuz gəlir əldə etdiyi iddia olunur. Həmçinin, keçmiş həmkarlar sədri Elgün Quliyevlə əlbir olaraq müəyyən saxtakarlıq hallarında iştirakı ilə bağlı da şikayətlər mövcuddur.
Müəllim kollektivi və valideynlər artıq vəziyyətdən narazıdır. İctimaiyyət gözləyir ki, Sumqayıt şəhər Prokurorluğu bütün bu iddialara hüquqi qiymət verəcək və qanunsuzluqlara yol verən şəxslər barəsində lazımi tədbirlər görüləcək.
Mövzu ilə bağlı qarşı tərəfin də mövqeyini işıqlandırmağa hazırıq.
