Şəmkirdə baş verən yol-nəqliyyat hadisəsi zamanı yaralanan şəxsin vəziyyəti açıqlanıb.
Bu barədə Oxu.Az-ın sorğusuna cavab olaraq Şəmkir Rayon Mərkəzi Xəstəxanasından bildirilib.
Qeyd olunub ki, yanvarın 18-də, saat 00:40-da xəsarət alması səbəbilə 1985-ci il təvəllüdlü şəxs (kişi) Şəmkir Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.
"Ona döş qəfəsinin sağ tərəfinin plevra boşluğuna nüfuz edən kəsilmiş, deşilmiş yarası diaqnozu təyin edilib. Hazırda pasiyentin müalicəsi Cərrahiyyə şöbəsində davam etdirilir. Vəziyyəti ağır olaraq qiymətləndirilir", - məlumatda deyilir.
Hadisə nəticəsində ağır xəsarət alan R.Süleymanovun həyatını xilas etmək mümkün olmayıb.
Şükufə Süleymanlı
