"Süni intellektə əsaslanan texnologiyalar yeni və ciddi çağırışlar yaradacaq. Uşaqların bu dəyişikliklərə necə hazırlanması və bunun qanunvericilikdə necə əks olunması olduqca vacibdir".
Oxu.Az xəbər verir ki, bunu Milli Məclisin Ailə, qadın və uşaq məsələləri komitəsinin bugünkü iclasında elm və təhsil nazirinin müavini Firudin Qurbanov deyib.
O bildirib ki, Elm və Təhsil Nazirliyi olaraq öz məsuliyyətlərini dərk edirlər:
"Nəzərə alsaq ki, sistemdə 1 milyon 600 mindən çox uşaq təhsil alır. Uşaqlar müxtəlif ailələrdə yetişirlər və biz deyə bilmərik ki, hər ailədə yüksəksəviyyəli mədəniyyət formalaşıb. Uşaqlar məktəbə gələnədək onların xasiyyəti artıq formalaşmış olur. Ailə dəyərləri çox önəmlidir. Müasir dövrdə dünyada bu, çox böyük problemdir. Hazırda ailə dəyərləri itir. Hətta ailə institutunun özünün mövcudluğu təhlükə altındadır".
Mərahim Nəsib
