Çinin Çjetszyan əyalətinin Vençjou şəhərində cinayətkar qruplaşmanın 11 üzvünün ölüm hökmü icra edilib.
Oxu.Az-ın xəbərinə görə, bu barədə Çin Mərkəzi Televiziyası xəbər verib.
Məlumata görə, həmin məhkumlar qətllərdə, fırıldaqçılıqda və narkotik qaçaqmalçılığında təqsirli biliniblər. Hökm Ali Xalq Məhkəməsi tərəfindən təsdiqləndikdən sonra qüvvəyə minib və onun icrası üçün əmr verib. İşlərin təfərrüatı və məhkumların şəxsiyyəti açıqlanmayıb.
Hökmün icra üsulu haqqında da məlumat verilməyib.
