Nəsimi rayonu Ali Mustafayev 3 binanın sakinləri saytımıza müraciət ünvanlayıblar.
Vətəndaşlar yaşadıqları evin zirzəmisində pis qoxu olduğunu, bu zirzəmidən gələn narahatedici qoxunun ucbatından evdə otura bilmədiklərini və xəstəlik saçan bu natəmizlikdən qurtulmaq üçün yardım istədiklərini bildirdilər.
Redaksiya olaraq Nəsimi rayonu MKTB 33 saylı Mənzil Komunal Təsəruffatı Birliyi ilə əlaqə saxlayıb vətəndaş şikayətini diqqətə çatdırdıq. Qurumun rəisi Əliyev Mir Nazir Miryusif oğlu məsələni təcili nəzarətə götürərək Nəsimi rayonu Alı Mustafayev 3 Binanın zirzəmisinə əməkdaşları göndərdi. Bir neçə saatdan sonra zirzəmi təmizlənərək sakinlərə təhvil verildi.
Saytımız və bina sakinləri adından sözügedən quruma və rəhbəri Əliyev Mir Nazir Miryusif oğluna dərin təşəkkürümüzü bildirir, fəaliyyətlərində uğurlar diləyirik.
