Yaponiya hökuməti fevralın 8-də parlamentin aşağı palatasına keçiriləcək seçkinin təşkili üçün təxminən 85.5 milyard yen xərcləməyi planlaşdırır. Bu məbləğ cari məzənnə ilə təxminən 551 milyon ABŞ dollarına bərabərdir.
Oxu.Az bu barədə "Mainichi" qəzetinə istinadən xəbər verir.
Məlumata görə, bu vəsait ölkədə rəsmi qeydiyyatdan keçmiş seçicilərin sayına bölündükdə, hər seçiciyə orta hesabla 826 yen (cari məzənnə ilə təxminən 5.3 dollar) düşür.
Qeyd olunur ki, bu məbləğ "McDonald"s" şəbəkəsində dörd ədəd hamburqerin qiymətinə bərabərdir. Hazırda Yaponiyada bir hamburqerin qiyməti təxminən 190 yendən bir qədər azdır.
Hazırda Yaponiyada 103.5 milyon rəsmi qeydiyyatdan keçmiş seçici mövcuddur.
