İsveçin ev təmiri və pərakəndə satış şirkəti IKEA Avstriyadakı müştərilərinə NYMANE tavan işıqlarından istifadəni dərhal dayandırmaları barədə xəbərdarlıq göndərib. Bildiriş elektrik cərəyanı vurması riskinə əsaslanır və məhsul sahiblərinə geri ödəmə üçün istehsalçı ilə əlaqə saxlamaları tövsiyə olunur.
Oxu.Az "Heute" nəşrinə istinadən bildirir ki, problem texniki xarakter daşıyır.
İstehsal qüsuru səbəbindən bəzi IKEA kabellərində izolyasiya çatışmazlığı aşkarlanıb ki, bu da elektrik cərəyanı vurma riskini artırır. Geri çağırma 2022-ci ilin mayından 2025-ci ilin dekabrınadək istehsal olunmuş NYMANE tavan işıqlarını əhatə edir.
Qeyd olunur ki, müştərilər məhsulu üçüncü şəxslərə ötürdükdə və ya təkrar bazarda satdıqda geri çağırma barədə onları məlumatlandırmalıdırlar. Məhsullar alış sənədi tələb olunmadan IKEA mağazalarına qaytarıla bilər və geri ödəmə təmin edilir.
