Prezidentin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev Azərbaycan-Serbiya münasibətləri ilə bağlı paylaşım edib.
Oxu.Az-ın xəbərinə görə, Hikmət Hacıyev bununla bağlı öz "X" hesabında fikirlərini bölüşüb.
"Azərbaycan və Serbiya strateji tərəfdaşlar və inkişaf etməkdə olan orta güclər kimi regionlararası əməkdaşlıqda da mühüm rol oynayır - Azərbaycan müvafiq olaraq Cənubi Qafqazda və Xəzər regionunda, Serbiya isə Balkan yarımadasında yerləşir.
Zəngəzur dəhlizi/TRIPP təşəbbüsü daha geniş Xəzər regionu, Mərkəzi Asiya və Balkan ölkələri arasında əlaqələrin gücləndirilməsi üçün əlverişli imkanlar yaradır", - deyə o bildirib.
