Əsas məqsədi şagirdlərdə beynəlxalq münasibətlərə dair bilikləri artırmaq, debat, ictimai çıxış, analitik düşüncə və diplomatik yazışma bacarıqlarını inkişaf etdirmək məqsədilə MUN (Model of United Nations) formatında simulyasiya konfransı təşkil etmək olan layihədə ümumilikdə 80 şagird, 16 nəfər müəllim iştirak edib.
İlk olaraq şagird və müəllimləri layihə ilə bağlı məlumatlandırmaq üçün 3 saatlıq infosessiya keçirildi, burada şagirdlərə MUN modelinin mahiyyəti, simulyasiya zamanı izləniləcək qaydalar, çıxış strukturu və qətnamə yazılışı haqqında məlumatlar verildi. Daha sonra 4 saatlıq komanda quruculuğu oyunları keçirildi. Bütün bu fəaliyyətlər yekunlaşdıqdan sonra isə 2 günlük MUN konfransı baş tutdu.
Növbəti mərhələdə layihədə iştirak etmiş müəllimlər öz məktəblərində seminar keçirərək layihə ilə bağlı müzakirələr aparacaqlar.
Xatırladaq ki, layihə Astara şəhər 1 nömrəli tam orta məktəbinin müəllimi Gülnar Məmmədova tərəfindən icra olunur.
Fərid Faiqoğlu
AJB-nin üzvü
Xezertv.info
