Rusiya Prezidenti Vladimir Putin Hindistana üçgünlük işgüzar səfərə gedib.
“Qafqazinfo” xəbər verir ki, onun təyyarəsi Hindistan Hərbi Hava Qüvvələrinin (HHQ) Yeni Dehli yaxınlığındakı hava bazasına enib.
Rusiya liderini ev sahibi ölkənin xarici işlər üzrə dövlət naziri Kirti Vardan Sinqh qarşılayıb və fəxri qarovul dəstəsi düzülüb.
Qeyd edək ki, Vladimir Putin 11-13 sentyabr tarixlərində keçiriləcək BRICS sammitində iştirak edəcək. O, səfər çərçivəsində bir sıra beynəlxalq görüşlər keçirəcək.
