“Vəzirov Ramiz Mehdiyevin Heydər Əliyevin əleyhinə yazdığı materialları qarşıma qoydu”
YAP-ın qurucularından biri, sabiq deputat Maksim Musayev Prezident Administrasiyasının keçmiş rəhbəri Ramiz Mehdiyev haqqında maraqlı fikirlər səsləndirib.
“AzPolitika.info” xəbər verir ki, M.Musayev “Moderator.az”-da dərc olunan müsahibəsində R.Mehdiyevin Heydər Əliyevin hakimiyyətə gəlməsinin və YAP-ın yaradılmasının əleyhinə olduğunu iddia edib. Həmin müsahibəni təqdim edirik:
- Maksim müəllim, sizin akademik Ramiz Mehdiyev haqqında mediaya son açıqlamalarınız cəmiyyətdə çox həssaslıqla qarşılanıb. Və hamıda təbii sual yaranır: nədən vaxtilə həm sovet dövründə, həm də ondan sonrakı dönəmdə Heydər Əliyevin ən yaxın silahdaşlarından və hakimiyyətin ideoloqlarından sayılan bu şəxs haqqında YAP-ın sizin kimi qurucuları mənfi fikirlər səsləndirməyə başlayıblar?
- Məndə onun haqqında informasiyalar çoxdur… Bu məlumatı ilk dəfə sizin sayta açıqlayıram: Cəmiyyət bunu da bilməlidir ki, Ramiz Mehdiyev vaxtilə Yeni Azərbaycan Partiyasının yaradılmasının əleyhinə olub...
1992-ci ilin iyun ayı idi. O dövrdə, səhv etmirəmsə, Elmlər Akademiyasında şöbə müdiri işləyən Ramiz Mehdiyev ilk özəklərini yaratmağa çalışdığımız Yeni Azərbaycan Partiyasına qoşulmaqdan imtina edirdi. Özü də elə ilk günlərdən biz həmin partiyanın lideri kimi Heydər Əliyevi görmək istəyirdik. Təşəbbüs qrupu mənim Ramiz Mehdiyevlə görüşüb söhbət etməyimi məsləhət gördü. Çünki mən onunla Azərbaycan komsomolu və partiyanın mərkəzi komitəsində birgə işləmişdik... İki dəfə onunla görüşüb söhbət etsəm də, o, YAP-ın təəssübkeşi olmağa razılıq vermədi. Sözün düzü, nə “hə” dedi, nə “yox”. Çünki özü partiya yaratmağa çalışırdı, amma alınmırdı. Bizim təbliğ etdiyimiz, tanıdığım iki nəfəri də cəlb etmişdi. Bu yaxınlarda, artıq Ramiz Mehdiyev vəzifəsindən azad olunandan sonra həmin adamlardan biri məndən soruşdu ki, onunla partiya yaratmaq istədiyimi kiməsə deməmisən?...
- Partiyasının adını nə qoymuşdu?...
- Hələ heç bir ad qoymamışdı... Çünki nə qədər əlləşsə də, ətrafına heç 5-10 sanballı adam toplaya bilməmişdi. Açığını desək, həmin vaxt təşəbbüs qrupunu yaratmaq bizim üçün də çətin oldu. Amma sonda o vaxtkı qanunlara uyğun olaraq, 1000 nəfərdən ibarət təşəbbüs qrupu yarada bildik...
Deməli, biz təşəbbüs qrupuna cəlb etmək üçün fərdi qaydada hər birimiz bir neçə nəfərlə söhbət edirdik. Ertəsi gün məlum olurdu ki, həmin adamlardan biri gəlmir. Soruşurdun ki, niyə gəlmirsən, cavab verirdi ki, fikrimi dəyişdim, başqa bir partiya var, onunla işləyəcəm. Axırda məlum olurdu ki, söhbət Ramiz Mehdiyevin qurmaq istədiyi partiyadan gedir...
- Yəni o, başqa vasitələrlə də YAP-ın yaranmasına mane olmağa çalışırdı?
- Xeyr, başqa cür maneə yaratmağa cəsarət etmədi. Onu deyim ki, Ramiz Mehdiyev mənimlə görüşməyə də ehtiyat edirdi. O vaxt mən zəng edəndə dedi ki, təhlükəsizlik qurumları bizi kabinetdə də, telefon vasitəsilə də dinləyirlər – başqa bir etibarlı yer tap, orada görüşək. Mən də məcbur olub onu apardım “8-ci kilometr”də yaşayan bir qohumumun evinə. Bunları rəhmətlik Sirus Təbrizliyə danışırdım, o qədər gülürdü... Di gəl ki, vəzifəyə gəldikdən sonra R.Mehdiyevin hökmü çox böyük idi. Elə hallar olurdu ki, onu aşağılar da, yuxarılar da canla-başla eşidirdi. Onun sinəsinə ki, o xarici ölkənin ordeni vuruldu, ondan sonra belə nüfuza yiyələndi. Hələ əvvəlki açıqlamamda mən R.Mehdiyev haqqında çox şeyləri demədim. Yalnız onu komsomola təqdim edənin soyadını dedim. Bu da çox şeyi aşkarlayır...
Mənə çox təşəkkür zəngləri olur. Ramiz Mehdiyevin “vurduğu” o qədər adamlar var ki, belə yazıları oxuyanda ürəklərindən tikan çıxır...
P.S. 1989-cu ildə Qax rayon Partiya komitəsinin 1-ci katibi olmuş və qaxlıları müstəqillik hərəkatına qo.ulduqlarına görə hədləyən bu bunun cavabı olaraq qaxlıların balta-yba ilə onu Qaxdan didərgin salmış və sonra Bakıya qaçaraq
YAP-ın qurucularından birinə çevrilmiş, sabiq deputat Maksim Musayev Prezident Administrasiyasının keçmiş rəhbəri Ramiz Mehdiyev haqqında həddən artıq şişirdilmiş uydurmalardan bəhs etməsi siyasətin nə qədər iyrənc bir peşə olduğunu Maksimin timsalında bir daha isbatlamış olur. Bir məsləni aksioma kimi qəbul etmək lazımdır. Əgər xalq hansısa rəhbərini it balası kimi döyüb qovursa,artıq onun cəmiyyətə sırımaq istədiyi hər hansı bir fikrin 1 qəpiklik əhəmiyyəti ola bilməz. Doğrudur, indi Maksim çörəyinin xətrinə bu qoca yaşında dirijorların onun əlinə tutdurduğu "şparkalkanı" oxumaq məcburiyyətindədir. Amma o cürət tapıb özünə 2 manatlıq hörmət qoya bilsə, ona verilmiş bu roldan imtina edə bilərdi. Və yaxın keçmişi də yada düşməzdi.
İfadetv.com
