ABŞ Prezidenti Donald Tramp Navi Pillayın Sülh üzrə Nobel mükafatına layiq görülməsinə münasibət bildirib.
“Qafqazinfo” xəbər verir ki, o bu barədə Nyu-York ştatında çıxışı zamanı danışıb.
Onun sözlərinə görə, mükafatın laureatını ümumiyyətlə tanımır:
“Onlar Nobel Sülh mükafatını şəxsən haqqında heç vaxt eşitmədiyim şəxsə verdilər. Ümumilikdə, onu heç kim tanımır”.
Tramp həmin mükafata daha çox layiq olduğunu vurğulayıb: “Siz bir müharibəni dayandırdıqda sizə Nobel mükafatı verirlər. Mən isə 8 müharibəni dayandırmışam. Onlar mükafata BMT-dən olan liberalı layiq gördülər. Bununla belə, onu təbrik edirəm. Mükafata mən və ABŞ layiq görülməli idi”.
Xatırladaq ki, oktyabrın 9-da Cənubi Afrika Respublikasından (CAR) olan hüquqşünas və insan hüquqları müdafiəçisi Navanethem “Navi” Pillay Sülh üzrə Nobel mükafatına layiq görülüb.
