Binəqədi rayonu, 6-cı mikrorayon, İlqar Cümşüdov küçəsinin sakinləri redaksiyamıza müraciət edərək həyətlərində açıq talvarın altında fəaliyyət göstərən CAR-SPA adlı avtoyuma məntəqəsinin 8 atmosfer təzyiq altında işlətdiyi nasosların səsindən son illər rahatlıqlarının tamamilə pozulmasından şikayətlənmişlər. Sakinlərin xahişini nəzrə alaraq hadisə yerinə baxdıq. Həqiqətən də “Buta” çay evinın və hər tərəfdə 9 və 5 mərtəbəli yaşayış binalarlıilə əhatə olunmuş bu ərazinin düz ortasında yanaşı olaraq iki avtoyuma məntəqəsi səhər saat 9-dan axşam saat 10-dək fəaliyyət göstərirlər. Məlum oldu ki, obyektin sahibi hansısa tanınmış məşhur atası, anası və xalası olan bir həkim qadındır. Sakinlərin dəflərlə aidiyyatı dövlət qurumlarına etdikləri şikayətlərə isə baxan yoxdur. Sonuncu dəfə, avqustun 30-da Ekologiya və Təbii Sərvətlər Nazirliynin aidiyyatı üzrə əməkdaşları da gəlib obyektlərə baxış keçirmiş, səs-küyün dərəcəsinin 67 desibel olduğunu müəyyən edərək çıxıb getmişlər. Yəni, insanların sağlamlığına təsir etməyən səsin ölçü norması 10 desibel olduğu bütün dünyada qəbul edilmişdir.Amma di gəl ki, açıq talvar altında standartlara cavab verməyən bu obyektdən kənara yayılan səsin dərəcəsi normadan 7 dəfə artıq olması mütəxəsisslər tərəfindən müəyyənləşmişdir. Peşəsi həkim olan obyekt sahibəsi olan xanım isə bu yaşayış massivində minlərlə sakinlər arasında xəstələrin, qocaların və uşaqların olmasını nəzərə almayaraq yalnız pul qazanmağı düşünməkdədir. Sakinlər onu da xatırlatdılar ki,80 metr aralıda olan “Anar” şadlıq evinin yanında da belə “moyka” var. Amma bu obyekt qapalı məkanda standartlara uyğun fəaliyyət göstərdiyinə görə onun səsi ətrafda yaşayanların əsəsblərinə heç bir təsir göstərmir. Ona görə də sakinlərin müraciətini cənab nazir Muxtar Babayevə, Bakı şəhər meri cənab Eldar əzizova və Binəqədi rayon İcra Hakimiyyəti səlahiyyətlilərinə çatdıraraq xahiş edirik ki, həmin ərazidə yaşayan sakinlərin rahatlığı üçün CAR-SPA avtoyuma məntəqəsinin də açıq talvarda deyil,qapalı məkanda yerləşərək fəaliyyət göstərməsinə göstəriş versinlər.
İfadetv.com
