«TRANS TİKİNTİ» MMC tərəfindən Silahlı Qüvvələrə Yardım Fondunun hesabına 5000 manat maddi yardım edilmişdir.
Ölkəmizdə fəaliyyət göstərən məşhur “Trans tikinti" MMC- də işğal olunmuş torpaqlarımızın azad olunması, ərazi bötüvlüyümüzün bərpası uğrunda canı bahasına mübarizə aparan Azərbaycan ordusuna dəstək məqsədilə Azərbaycan Respublikası Silahlı Qüvvələrə Yardım Fonduna 5,000 manat vəsait köçürüb.
Ali Baş Komandan cənab İlham Əliyevin komandanlığında tarix yazan, inamlı qələbəyə addımlayan ordumuz artıq Dünyada öz gücü və əzmi ilə adından söz etdirməkdədir. “Trans tikinti” MMC kollektivi Vətənimizin bütövlüyü uğrunda qəhrəmancasına mübarizə aparan, adını müasir tariximizə qızıl hərflərlə yazdıran şanlı Azərbaycan Ordusu qarşısında baş əyir və ordumuzla hər zaman qürur duyduğunu bildirir. Kollektivimiz inanır ki, Ordumuz hərbi əməliyyatları uğurla davam etdirəcək və ən qısa zamanda bizi qələbə xəbərləri ilə sevindirəcəkdir.
Həmçinin, onu da bildirək ki, “Trans tikinti" MMC səfəbərlik əsasında xidmətə qoşulan əməkdaşlarının əmək haqqını bu müddət boyunca tam olaraq ödəyəcəkdir.
Qeyd edək ki, Silahlı Qüvvələrə Yardım Fondu Azərbaycan Respublikası Prezidentinin 2002-ci il 17 avqust tarixli Fərmanı ilə Silahlı Qüvvələrimizin müasir tələblər səviyyəsində inkişafını təmin etmək, onun maddi-texniki bazasını möhkəmləndirmək və zəruri sosial tədbirləri maliyyələşdirmək məqsədilə yaradılıb.
Qarabağ Azərbaycandır!
Tofiq Məhərrəmli
