Bir daha xatırladım ki, hazırda barəsində Nərimanov RPİ-də CM-nin 178.3.2 maddəsi üzrə (dələduzluq) cinayət istintaqı davam edən Əskərov Nazim Mahmud oğlu Binəqədi rayonu, Sulutəpə qəsəbəsində yerləşən və 5 sot torpağın üstündə tikilmiş 2 mərtəbəli mülkümü mənim razılığım və icazəm olmadan 08 noyabr 2013-cü ildə “Atabank” ASC-nin Xəzər filialınına illik 20 faiz olmaqla 48 ay müddətinə girov qoyulmuş evimin əvəzinə 95000 manat pul götürərək mənimsəmişlər.
Bu arada, yəni, 2015-ci ilin fevralında N.Əskərovun bank qarşısında öhdəlik götürdüyü pulun ödənmədiyini görən “Atabank” ASC-nin Xəzər filialının müdiri əvvəlcədən Nazim-Famil dəstəsilə gizli sövdələşdiyi kimi, ödənişin aparılmadığı 13-cü ayın başında məni və kredit alan Nazim Əskərovu Binəqədəi rayon məhkəməsinə iddia ərizəsi verərək əsas və faiz borclarının ödənilməsi üçün tutmanın ipoteka predmetinə yönəldilməsini tələb etmişdir. İddia 15 sentyabr 2015-ci il tarixli qətnamə əsasında təmin edilmiş və 2016-cı ildən icraata yönəlmişdir. Mənə məxsus mülkün Ata bank tərəfindən açıq hərracda öz nümayəndəsinə formal sataraq borcun tam ödənilməsi üzrə icra işlərinə başlanılmışdır.
Yəni, Bank müdiri ilə N.Əskərov arasında olan sövdələşməyə əsasən 48 ay müddətinə verilmiş 95000 manat pulun bank müdiri tərəfindən 13 aydan sonra geri tələb edilməsi üçün əvvəlcədən planlaşdırılan plan üzrə real bazar dəyəri 400000 manat olan əmlakımın ələ keçirilmə məqsədi daşımışdır. Yoxsa ki, borcun qaytarılma müddəti 2017-ci ilin noyabrın 15-dək təyin olunmasına baxmayaraq bank müdiri niyə tezbazar əl-ayağa düşməsini anlamaq çətindir. Bəlkə Kreditoru götürən və milyonlarla ölçülən varidata sahib olan Nazim Əskərov özünün də dediyi kimi borcu tam bağlamaq istədi. O zaman 4 illliyə verilmiş krediti 2 il vaxt keçməmiş dərhal ödənilməsini məhkəmə qaydasında tələb etməyin anlamı nə idi? Budur, bu azmış kimi “Atabank” ASC-nin müdiri ( sabiq nazir Fazil Məmmədovun bacısı oğlu Dəyanət)yenə də hazırda bu iş üçün CM-nin 178.3.2 maddəsi üzrə 1 il 6 ay davam edən istintaqın başa çatdığı anda öz dələduz dostunu xilas etmək və mənə təzyiq göstərmək üçün dərhal Binəqədi İcra şöbəsinin icra məmuru Tural Süleymanovla gizli əlaqəyə girərək həm banka girov qoyulmuş çıxarışı olan və 5 sot torpağın üzərində tikilmiş mülküm içindəki əşyaları, həm də girov predmeti olan sərhəddə yerləşən və yenə də 5 sot torpaq üzərində tikilmiş yardımçı təsərrüfat kimi olan anbarlarımdakı şəxsi əşya və digər çoxsaylı əşyalarımı qarət etmiş, bəzilərini isə saxlanc yerinə yığaraq təcili boşaltmışlar. Axı icra məmuruna kim səlahiyyət verir ki, məhkəmə predmeti olmayan digər 5 sot zonada tikilmiş obyektlərə də qanunsuz müdaxilə edərək icra adı altında qarət və talanla məşğul olursan? İcra məmuru “Atabank” müdirindən nə qədər rüşvət alıb ki, belə bir korrupsiyailə məşğul olur? Digər tərəfdən mən birtəhər 120000 manat tapıb nağd formada “Atabanka” ödəmək üçün 2017-ci ilin əvvəlində Dəyanətin qəbulunda oldum. Çox xahiş etdim ki, vəziyyətimi nəzəzrə alsın. O isə oturduğu kreslosunda yüksək əhval-ruhiyyəli birisi kimi özünəməxsus bir ədəbazlıqla “getməzlər bu işə deyərək 150000 manat gətirməlisən dedi.Mən durub otaqdan çıxdım. Budur, 2018-ci ilin axırında Dəyanətin növbəti dəfə qəbulunda olarkən dedi ki, 110000 manat gətir evini sənədləşdirib qaytaraq. Dedim axı indi mənim imkanım yoxdur. İndi görün “Atabank” ASC bu günə qədər kimlərin əlində oyuncaq olubmuş. Fazil Məmmədov hələ indi başı ayılıb ki, ən yaxın qohumu olan Dəyanət bankı səriştəsizliyi nəticəsində nə hala salıb.Və məcbur olub ki, iyulun 26-da banka gəlib bankını pis günə qoyan qohum qardaşlarını digərlərilə əvəzlədi. Amma sabiq nazir bilməlidir ki, artıq gecdir, get hesabatını ver, səni pis günə qoyanları da ömrünün axırınadək unutma!
Bir neçə gün əvvəl Ədliyyə Nazirliyinin Baş İcra məmuru cənab Nurəddin Mustafayevin qəbulunda oldum. Və şikayət etdim ki, Binəqədi rayonu üzrə icra məmuru olmuş Tural Süleymanov “Atabank”la gizli sövdələşməyə girərək keçirilmiş hərrac üzrə mülkümü mənimsəmiş bankın sifarişini dərhal “icra” edərək mülkiyyətimin daxilində olan bütün dəyərli əşyalarımı, hansı ki, bunların heç birinin məhkəmə qərarına aid olmamışdır, hamısını şəxsən yağmalayıb evinə aparmışdır. Doğrudur, mən bu barədə 2018-ci ilin 1 may tarixində təcili ölçü götürülməsi üçün yuxarı orqanlara şikayətlər versəm də sonu Tural Süleymanov üçün daha xoş oldu. Onu mənim məhkəmə qərarına aid olmayan şəxsi əşyalarımı talan etdiyinə görə Ədliyyə Nazirliyinin Baş İcra İdarəsinə Nəsimi, Yasamal rayonlarının icra şöbələrinə mükafat olaraq kurator vəzifəsinə göndərdilər.Elə bu məslələri eşidən cənab Nurəddin müəllim də çox əsəbiləşdi.Elə Binəqədi rayonu üzrə kurator Rüstəmə də son xəbərdarlıq etdi ki, qurtarın bu oyunbazlıqlar”
Bəli, indi oturub evdə gözləyirəm ki, Fazilin bankında ( Atabankda) özbaşnalıqların sonu olacaqmı və mən də məhkəmə qərarı üzrə evimə sahib olacağammı
İfadə İsgəndərqızı. ifadetv.com üçün
