Ermənistanda müxalifətin baş nazir postuna vahid namizədi (aralıq fiqur kimi), bədnam “Qarabağ” komitəsinin qurucularından biri Vazgen Manukyan baş nazir Nikol Paşinyanı Azərbaycanın keçmiş prezidenti və AXC lideri Əbülfəz Elçibəylə müqayisə edib. Virtualaz.org xəbər verir ki, RBK agentliyinə müsahibəsində Manukyan Paşinyanın Qarabağda döyüşlər gedərkən cəbhədə nə baş verdiyini yaxşı dərk edə bilmədiyini, ona görə də müharibəni vaxtında dayandırmadığını və beləliklə də əsas mövqeləri saxlamaq şansını əldən verdiyini deyib.
Vazgen Manukyan bildirib ki, birinci Qarabağ müharibəsi zamanı Ermənistan Azərbaycanda analoji vəziyyətin hökm sürməsindən istifadə edib.
Manukyan inanır ki, əgər hakimiyyətdə Serj Sərkisyan olsa idi müharibə sadəcə olaraq başlamazdı. Paşinyan isə Qarabağa dair danışıqlar prosesini pozdu.
P.S. Görünür rusiyapərəst Manukyan Kreml siyasətinə daha yaxşı bələddir. Elə 1991-ci ildə xalq tərəfindən seçilən Gürcüstanın "Elçibəyi" olan Zivad Qamsaxudiyanı Rusiya güc yoluilə öz kadrıilə əvəzləsə də, M.Saakaşviinin xalq tərəfindən yüksək rəğbətlə qarşılanmasını və 8 il hakimiyyətdə qalmasına inanmasa da, öz səhvini "Pul gücünə" bərpa edə bildi. Budur, son iki ildə Ermənistanda inqilab yoluilə ortalığa çıxan Paşinyanın və gələcəkdə demokratiya yolu tutan istənilən partiya liderinin siyasi səhnədən birdəfəlik çəkilməsi üçün Rusiya Ermənistanı müharibəyə imkan verməklə başa salmaq istədi ki, postsovet ölkələrində demokratiyaya meyllilik qəbuledilməzdir və sərt formada rədd ediləcəkdir. Görünür, Manukyan da Rusiaynın istəyini yaxşı bildiyinə görə güvəndikləri ölkənin diqtəsilə hakimiyyətdə qulbeçə olmağa hazır olduğunu bildirir.
