Xəbər verdiyimiz kimi təhsil nazirinin müavini Məhəbbət Vəliyeva vəzifəsindən azad edilib.
Bununla bağlı rəsmi açıqlamada onun səhhətindəki problemlərə görə öz ərizəsi ilə postundan kənarlaşdığı deyilsə də əsl həqiqət başqadır.
Gununsesi.info-ya daxil olan məlumata görə, Vəliyevanın nazir müavini vəzifəsindən getməsinə səbəb onun dinə bağlanması olub. Belə ki, hicab bağlayaraq, namaza keçən Məhəbbət Vəliyeva vəzifədə çalışmağı haram hesab edib.
O, islam dininin sünni məzhəbinə itaət etdiyindən, istefa ərizəsi yazıb.
Xatırladaq ki, uzun illər Bakı Baş Təhsil İdarəsinin rəisi vəzifəsini tutan Məhəbbət Vəliyeva 2018-ci ilin iyunun 27-də təhsil nazirinin müavini vəzifəsinə təyin edilmişdi. Qeyd edək ki, M.Vəliyeva 1968-ci ildə Bakı şəhərində anadan olub.
Gununsesi.info
P.S. Qeyd edək ki, Məhəbbət Vəliyeva qeyri rəsmi milyarder xanlm Sona Vəliyeanın ( Əli Həsnovun arvadı) bacısıdır. O Əli Həsənovun təqdimatı əsasında 2018-ci ildə nazir müavini vəzifəsinə təyinat almışdı. Başqa cür də ola bilməz. Ümiumiyyətlə Azərbaycanda irili xırdalı elə bir vəzifə tapmaq çətindir ki, onun arxasında hansısa oliqarx, iri məmur durmasın. M.Vəliyevanın isə bacısı Sona kimi bu qədər topladığı sərvətlərin qabağında namaz qıldığına görə vəzifəni haram bilməsi isə heç cürə başa düşülən deyil. Bizcə vəzifədən süi-istifadə nəticəsində toplanmış sərvətlər haram sayılır. Və nə qədər ki, M.Vəliyeva da Sona Vəliyeva kimi topladıqları milyonlarla dollarla ölçülən qanunsuz sərvətlərindən imtina etməyiblər onlar özləri haramzada olaraq qalacaqlar. Namaz qılan haramzda olmaqdansa, milyonlarla çörəyə möhtac bir sadə insan həyatı yaşamaq daha əfzəldir
