Bakı şəhəri, Qaradağ rayonu, Lökbatan qəsəbəsi, 2-ci massiv, təzə məhəllədə yaşayan Osmanov Ayaz Nəriman oğlu tərəfindən dövlət başçısına və aidiyyatı üzrə direktiv orqan rəhbərlərinə və ölkəmizdə fəaliyyət göstərən diplomatik nümayəndəliklərə ünvanlanan müraciətdə Yasamal RPİ-nin 29-cü PB- nin rəis müavini Rasim və onun köməkçisi Polad adlı əməkdaşlarının ona qarşı törətdikləri zorakılıqdan, qeyri-insani hərəkətlərindən, tərbiyəsizliklərindən, vəhşiliklərindənbəhs etmişdir. Açığı indiki şanlı zəfərimizdən sonra ölkə polisini təmsil edən şəxslərin vicdanlı sadə adamlara qarşı quldur dəstəsini təqib etdiyinə görə gözümçıxdıya salmaları ilk baxışdan başa düşülən deyil. Yəni dünyanın hər yerində Ayaz kimi öz həyatını risqə atıb qadının çantasını ələ keçirib qaçan cinayətkarları yaxalamağa cəhd göstərən adama polis rəhbərliyi ən azı öz təşəkkürünü bildirməlidir. Yasamal RPİ-nin 29-cu polis Bölməsində isə bunun tam əksini görürük. Müraciət aktual olduğu üçün oxuculara olduğu kimi təqdim edirik:
"Bildirirəm ki, mən indiki işsizlik ucbatından şirkət taksisində işləyib ailəmə yalnız gündəlik çörəkpulu qazanmağa çalışıram. Martın 8-də Yasamal rayonu ərazinqadın müştərim avtomobilimin yük yerinə əlindəki əşyaları qoymaq istərkən qəfil iki nəfər qadına hücum edərək əl çantasını götürüb qaçmağa başladılar. Mən də bu damların arxasınc qaçıb onları tutmağa çalışdım və tutarkən yıxıldım. Quldurlar isə aradan çıxa bildilər.Amma yaxşı ki, bu hadisə yaxınlıqdakı kameraya düşüb. Müştərim olan qadın telefonu, pulları, sənədləri çantasında olduğuna görə mənim mobil telefonumla DİN-nin 102 xidmətinə zəng edib hadisə barəsində məlumat verdi. Hadisədən 1 gün sonra isə məni Yasamal rayon polis İdarəsinin 29-cu Polis Bölməsinə dəvət etdilər. Elə dəhlizə daxil olar olmaz iki nəfər polis zabiti mənimlə kobud danışmağa başladılar .Əvvəlcə acıqlandılar ki, “Sən kim olmusan əəə oğrunu tutmağa qaçırsan? Polissən sən? ... Sonra bu zabitlərin ürəkləri soyumayıb başladılar məni dəhlizdə divara vurmağa,əl-qol atmağa, sonra ən axırıncı və öz şəxsiyyətlərinə və ailələrinə layiq olan söyüşlərlə məni təhqir etməyə başladılar. Mən əvvəlcə elə bildim ki, polislər məni quldurlarla səhv salıblar. Amma yox. Bunlara ən çox pis təsir edən məsələ mənim oğru-quldurları təqib etməyib olmuşdu. Elə bil qardaşalını, bacılarını, xalalarını qovmuşdum.Sanki mən kiminsə himayəsi altında dövriyyəyə buraxılmış bu quldurların planlarını pozduğum üçün bu təhqirlərə məruz qalmalı idim. Sonradan öyrəndim ki, mənə qarşı erməni əsiri kimi davranan və küçə söyüşləri yağdıran, polis formasından istifadə edib əl-qol atan zabit PB-nin rəis müavini Rasimdır, digəri ona züy tutan isə polis Poladdır. Məni 3-4 saat ən yaramaz otaqda saxladıqdan sonra azad etdilər. Mən PB-dən çıxanda Rasimə də polada da dedim ki, sizin bu insana yaraşmayan hərəkətlərinizdən şikayət edəcəyəm. Rasim yenə küçə söyüşüilə cavab verdi ki, “eləməsən də .... belə belə olasan.Baxarıq. Heç kəsi alıb satmıram” Mənə qarşı törədilən belə polis vəhşiliyindən çox narazıyam. Mənim əməlimdə heç bir cinayət əlaməti yoxdur. Bir vətəndaş olaraq qadına 8 Mart günü hücum edən quldurları tutub polisə təhvil verməyə cəhd etmişəm. Vəssəlam.
Amma polis əməkdaşları hansı ixtiyarla, hansı haqla məni bu hala salıb? Onlara bu ixtiyarı kim verib? Onlar bu qədər qoluzorlu və güclüdürlərsə, getsinlər öz güclərini Qarabağ savaşında erməniyə göstərəydilər.
Bunu edənlər yalnız Azərbaycan dövlətinin, Azərbayacan polisinin adına ləkə gətirən xainllər ola bilər. Mən bu vəhşiliyi edən polislərin milli mənsubiyyətinə şəxsən şübhə edirəm.
Sizdən xahiş edirəm, mənə qarşı insana yaraşmayan rəftar edən, zor tətbiiq edən Yasamal Polis İdarəsi əməkdaşlarının istintaqa cəlb edilməsi üçün aidiyyatı qurumlara göstəriş verəsiniz.Əvvəlcədən minnətdarlığımı bildirirəm.
Hörmətlə, Osmanov Ayaz mob.070-282 66 82
P.S. Arzu edərdik ki, polis zabitləri Rasim və Polad cənabları oğruları deyil, çantası Beynəlxalq Qadınlar Bayram günü qaçırılmış qadını müdafiə etsinlər, ədalətin zəfər çalmasına çalışsınlar.
