Reuters xəbər verir ki, AB-nin baş diplomatı Josep Borrell, AB xarici işlər nazirlərinin Ukrayna xarici işlər naziri ilə görüşündən sonra deyib: "Rusiya Ukrayna və Krımla sərhəddə 150 mindən çox əsgər cəmləşdirib".
"Bu, Ukrayna sərhədlərində və Krımda cəmlənən 150.000-dən çox rus hərbi personalıdır. Daha da kəskinləşmə riski aşkardır",- deyə Borrell bildirib, amma bu məlumatın mənbəyini açıqlamaqdan imtina edib.
Onun sözlərinə görə, hazırda "Ukrayna sərhədlərindəki hərbi güc artırmanın tarixdə ən böyüyü" olmasına baxmayaraq, yeni iqtisadi sanksiyalar və ya rus diplomatların qovulması planlaşdırılmır.
Ukrayna Xarici İşlər Naziri Dmitri Kuleba, AB xarici işlər nazirlərinə müraciət etdikdən sonra AB-ni Rusiyaya qarşı yeni sanksiyalar tətbiq etməyə çağırıb.
