Bir müddət əvvəl sabiq deputat Fərhad Qəribov və oğlu Elnur Qəribov tərəfindən aldadılan Fəqan Cəfərov adlı vətəndaşın şikayətini yaymışdıq. Sabiq deputat, oğlu və qaynı vətəndaşa maddi ziyan vurmaqda ittiham olunur.
Hətta keçmiş deputatın oğlu E.Qəribov bu məsələyə görə hüquq-mühafizə orqanları tərəfindən saxlanılmışdı.
Verilən məlumatda bildirilir ki, ötən həftə Bakı şəhər Baş Polis İdarəsinin müstəntiqi Vüqar Ələkbərov şikayətçi Fəqan Cəfərova zəng edərək 19 avqustda Elnur Qəribovla üzləşəcəyini deyib.
Həmin gün BŞBPİ-də gözləmə otağının qarşısında eks-deputatın oğlu ilə rastlaşan vətəndaş E.Qəribov arasında mübahisə düşüb. 200 kiloya yaxın çəkisi olduğu deyilən E.Qəribov F.Cəfərovu polis idarəsinin darvazasının yanında vuraraq qaçıb.
Hadisə barədə 102 xidmətinə məlumat verilib, təcili yardım çağırılıb. Bel nahiyəsindən yeni əməliyyat keçirmiş F.Cəfərov ağır xəsarət alıb.
Xatırladaq ki, Fəqan Cəfərov ifadetvşcom saytının rəhbəri İfadə Cəfərzadənin yaxın qohumudur. Fəqan sabiq deputatın oğluna hündürmərtəbəli binadan pulunu ödədiyi, lakin payına düşən mənzilə sahib ola bilməməsindən, bir sözlə sabiq deputatın yaxınlarının vətəndaşa qarşı törətdikləri dələduzluq faktı üzrə şikayətinə görə təzyiqə məruz qalmışdır. Fəqan uzun müddət Rusiya Federasiyasında yaayıb Azərbaycana qəyıtmıdır. Lakin onun ən böyük səhvi də Azərbaycanda insanları sifətinə baxıb tanıya bilməməsidir. Nə olsun ki, Elnur Qəribov deputat oğlu olub. Bu hələ onun vicdanlı adam olduğunu sübut etmir. Fəqan gərək bu ata-oğulun piylənmiş sifətlərinə baxdıqdan sonra nəticəyə gəlməli idi ki, belə tip insanlarla alqı-satqı müqaviləsi bağlamaq olar, ya olmaz.
İfadetv.com
