“Rusiya Ermənistan ordusunun təkmilləşdiriməsinə kömək etməyə hazırdır”.
Azadlıq Radiosunun erməni xidmətinin məlumatına görə, bunu Rusiyanın müdafiə naziri Sergey Şoyqu avqustun 11-də Moskvada ermənistanlı həmkarı Arşak Karapetyanı qəbul edərkən deyib.
Sergey Şoyqu qeyd edib ki, hazırda Ermənistan ərazisində Rusiyanın yaxşı təhciz olunmuş 102 saylı hərbi bazası yerləşir və bu baza regionda təhlükəsizliyə təminat verir.
“ Ermənistan Cənubi Qafqazda təhlükəsizliyin təmin edilməsində Rusiyanın vacib müttəfiqidir və biz bu regionda sabitliyin qorununmasında olduqca maraqlıyıq”,deyə Rusiyanın müdafiə naziri vurğulayıb
Xatırladaq ki, Rusiya rəsmisinin Ermənistana kömək etmək istəməsi yeni hadisə deyil. Rusiya 200 ildir ki, Ermənistana kömək edir, ayaqda qalmasını hər zaman təşkil edir. Təsadüfi deyil ki, prezident Putin 44 günlük müharibədən sonra ictimaiyyətə verdiyi açıqlamada bir daha etiraf etmişdir ki, Rusiya dövləti müharibə zamanı Ermənistana hər mümkün olan köməkliyi göstərmişdir. Elə Ermənistan rəsmiləri də etiraf etmişlər ki, "biz gözləmədiyimiz halda belə, Rusiya Ermənistana bütün mümkün yardımları etmişdir". Bəli, bütün bunlara rəğmən Azərbaycan Ordusu 28 aprelin də, 20 Yanvarın da, Xocalı qırğınının da, Kəlbəgər hadisələrinin də heyfini artıqlamasıilə ala bildi Və şanlı bir tarix yazdı. İndi bu qələbəmizlə barışmaq belə istəməyən şovinist qüvvələr əvvəlcə Jirinovskinin, indi də Şoyqunun dili ilə çox ciddi hərəkətə start veriblər. Bu çətin məqamda xalqımız yenə birləşməli, vahid cəbhədə düşməni əzməli və təxribatlar məsləsinə brdəfəlik son qoymalıdır.
İFADETV.COM
