Rasim Balayev Müşfiq barədə: "TAMAM BİQEYRƏTLİK SAYIRAM"
Rusiyanın Soçi şəhərində keçirilən KVN komandalarının 33-cü Beynəlxalq Festivalında (“KiViN-2022”) Azərbaycanı təmsil edən “Şuşa” komandasının adınının “Buta” ilə əvəzlənməsi ilə bağlı müzakirələr davam edir.
Komandanın rəhbəri, ssenarist və prodüser Müşviq Abbasov açıqlama verərək komandanın adının qaytarıldığını desə də, tənqidlər bitmək bilmir. Sosial şəbəkə istifadəçiləri KVN komandamızı tənqid edərək belə bir addımın yolverilməz olduğunu qeyd ediblər. Bəzi vətəndaşlar isə sosial şəbəkələrdə insanları “Bu şəhərdə” komandasını boykot etməyə, bunda sonra onların konsertlərinə getməməyə çağırıb.
Baş vermiş hadisə ilə bağlı Cebhe.info-ya Xalq artisti Rasim Balayev danışıb:
“Təəssüf ki, belə olub. Bizim elə oğullarımız olub ki, silahla “Qarabağ Ermənistandır” deməyə məcbur etmək istəyiblər. O da demədiyinə görə ermənilər onu güllələyiblər. Elə oğullardan sonra elə ac insanların bu cür hərəkəti xəcalətdir. Hətta belə bir bəhanə var ki, klubun adını dəyişdirsələr, ikinci tura keçid edəcəklər. Əşi, turu neynirəm, de ki, mənim adım “Şuşa”dır! Qəbul edirsən et, etmirsən etmə, çıx gəl. Mən bunu tamam biqeyrətlik sayıram”.
Qeyd edək ki, Rusiyanın Soçi şəhərində keçirilən ŞHK (Şən və Hazırcavablar Klubu) komandalarının 33-cü Beynəlxalq Festivalında ("KiViN-2022") Azərbaycanı təmsil edən komandanın rəhbəri Müşfiq Abbasovun hərəkəti etirazlara səbəb olub.
O, ermənilərin təkidi ilə "Şuşa" komandasının adını "Buta" olaraq dəyişməsini izah etməyə çalışıb.
“Birinci turdan sonra iclas oldu, iclasda redaktorlardan biri hansı komandaların ikinci turda iştirak edəcəyini dedi. O, bildirdi ki, “Şuşa” komandası yalnız adını dəyişdikdən sonra iştirak edə bilər” -deyən, Azərbaycanı təmsil komandanın rəhbəri Müşfiq Abbasovun sözlərinə görə, bununla bağlı həmin redaktora Ruben (Jaqinyan) adlı şəxs deyib.
Bu isə, ciddi etirazlara səbəb olub.
Fikrimizcə, Abbasov komandasını da götürüb yarışdan imtina edib Vətənə dönsəydi, Rusiyada qazandıqları alqışların min qatını burda qazanacaqdı. Onu Azərbaycanda, elə aeroportun qabağında Milli Qəhrəman kimiqarşılayacaqdılar.Heç kim KVN-çiləri tənqid etməyəcəkdi. Əksinə, əsl xarakter nümayiş etdirib milli maraqlara zidd hərəkət etmədikləri üçün onları qəhrəman elan edəcəkdilər. İndi isə situasiya Abbasov və komandası üçün heç də ürəkaçan deyil. Yəni, Abbasov komandası erməni Rubenə əsir düşmüş bir si kimi Bakıya qayıtdı.
Özünün dediyi kimi, bir turluq olsa belə “Şuşa”nı “Buta”ya dəyişmələri sadəcə utancvericidir. Onda belə çıxır ki, Ruben Caqinyan desə idi ki, “Müşfiq sənin və dədənin adından xoşum gəlmir dəyiş, ikinci tura keçirim” Abbasov razı olacaqdı. Gülməlidir elə deyilmi... Yox, bəlkə də ağlamalıdır.
Nəyə görə M.Abbasovun erməni Rubenin qarşısındaŞuşa adından dərhal imtina etməsinin səbəbini bir vacib məslədə görürük. Belə ki, Müfiq və onun komandasının hamısı rusdilli fərdlərdən ibarətdirlər. Bu yerdə kommunizmin banisi olmuş Karl Marksın bir kəlamını xatırlatmaq yerinə düşür: " Bir milləti məhv etmək istəyirsənsə, əvvələ onun dilini əlindən al." Bəli, Marks düz buyurub. Müşfiqkimilər imperiya siyasətinin qurbanlarından sayıla bilər. Onlar evdə, işdə, istirahətdə bir sözlə hər yerdə işğalçı dili ilə danışaraq sanki özlərini aristokrat, elit təbəqənin nümayəndələri kimi cəmiyyətə təqdim etmək istəyirlər. Amma bu gün müzakirə olunan faciə onu sübut etdi ki, ölkədəki rusdillilər özləri də bilmədən Vətən, türkçülük, islamçılıq, millətçilik kimi hissiyatlardan məhrum edilmiş və zombi sürüsünə çevrilmişlər. Bu toplumla Vətənin 1 kv.sm yerini belə azad etmək olmaz, əksinə gördüyümüz kimi, cüzi bir məsləyə görə Vətənini, milli maraqlarını rubenlərə satarlar. Bu gün ona görə sevinməyə dəyər ki, yaxşı ki, torpaqlarımızın azad edilməsi uğurunda aparılan müharibədə milli dəyərli, mentalitetə və öz doğma ana dillərini mükəmməl bilən məğrur və qəhrəman kasıb balalarının qanları hesabına başa gəlmişdir. Düşünürük ki, bir neçə ildən sonra rusdilli müşfiqlərin sayının çoxalması mənəviyyatda baş verən aşınmalar nəticəsində qorxaq, eqaist toplum yaranmaqdadır Və belələri olan Ordu ilə heç nəyə nail olmaq olmaz.
Bəli, Milli KVN komandamıza rəhbərlik edən Müşfiq Abbasovun cəmyyətimizin etirazlarına qarşı reaksiyaları da ən aqressiv formada təhqiredici olub. Erməni Rubenə təslim olan bu gəda həddini aşaraq Ölkə.Az-a açıqlamasında onun başçılıq etdiyi KVN komandasını tənqid edənlərə çağırış edib:
"Hamısı qələt edirlər, başlarını daşa döyürlər. Qeyrətləri, namusları, bircə qram vətənpərvərlik hissləri varsa, bütün bu neqativ yazanların, müsahibə verənlərin şəxsiyyətli, şəxsiyyətsiz olanların namuslu, namussuz olanların fərqi yoxdur, hamısına çağırış edirəm. İnşallah, mart ayında 1/8 finalda Sankt-Peterburq şəhərində bizim birinci oyunumuz "Şuşa” adı ilə olacaq. Yenə də deyirəm, əgər onların şəxsiyyətləri varsa, oyunumuza bilet alıb gəlsinlər, dəstəkləsinlər, bizi alqışlasınlar və şahid olsunlar ki, aparıcı bizi necə təqdim edəcək”.
"BU DA SİZİN BAYRAĞININ, CƏNABLAR!"
İFADETV.COM
