Daxili İşlər Nazirliyində növbəti kadr dəyişikliyi baş tutub.
Qaynarinfo.az xəbər verir ki, nazir Vilayət Eyvazovun müvafiq əmri ilə Daxili İşlər Nazirliyinin Baş Mühafizə İdarəsinə rəis müavini, polis polkovniki Levan Yuryeviç Qurskaya vəzifəsindən azad edilərək sərəncama götürülüb.
Qeyd edək ki, Levan Yuriyeviç Qurskaya Prezident Administrasiyasının sabiq rəhbəri, AMEA-nın prezidenti Ramiz Mehdiyevin yaxın qohumu - baldızının oğludur.
Xatırladaqki, polkovnik Levan Qurskaya son iş yeri olan DİN-nin Baş Mühafizə İdarəsinin rəis müavini vəzifəsində işləyənədək DİN-nin Baş Pasport və Miqrasiya İdarəsində uzun müddət rəis müavini vəzifəsində işləmişdir. O bu vəzifədə hazırkı Əmək və Sosial Təminat naziri Sahil Babayevin atası polkovnik Rafiq Babayev dövründə işləmişdir.
Onu da qeyd etmək yerinə düşərdi ki, Ramil Usubov 1993-1995-ci illərdə DİN-nin Baş Pasport və Miqrasiya İdarəsinin rəisi vəzifəsində işlədiyi vaxt, yəni, 1993-cü ildə Ramiz Mehdiyevin həyat yoldaşı olan Qalina Yuryevna Mehdiyevanın, eləcə də Levan Qurskayanın və anasının pasportda milliyyəti gürcü kimi qeyd edilmişdir. Ən maraqlısı budur ki, gürcü milləti kimi pasportda qeyd edilsə də bu adamların heç biri gürcü dilində bir kəlmə belə bilmirlər. Məlumata görə Qalina və qızı Kamilla Əliyeva Rus və Erməni dillərində mükəmməl, Azərbaycan dilində isə normal danışa bilirlər.
İfadetv.com
