Sumqayıt Şəhər Polis İdarəsi tərəfindən saxlanılan Rasim Məmmədov Cinayət Məcəlləsinin 221.3-cü (xuliqanlıq) maddəsi ilə ittiham edilib.İstintaq onun barəsində həbs qətimkan tədbiri seçilməsi üçün Sumqayıt şəhər Məhkəməsinə təqdimat verib.
Məhkəmə istintaqın təqdimatını təmin edərək Rasim Məmmədov barəsində 3 ay müddətinə həbs qətimkan tədbiri seçib.
Hazırda cinayət işinin istintaqı davam etdirilir.
İttihama görə, vətəndaş Rasim Məmmədov 2021-ci il sentyabrın 17-də Sumqayıt şəhərində yerləşən “Azmetal” MMC-yə gələrək heç bir əsaslı səbəb olmadan oranın direktor müavini Ramiz Hüseynovun ünvanına nalayiq söyüşlər söyərək çölə çıxmasını tələb edib. R. Hüseynov həyətə düşdükdən sonra R.Məmmədov təkrar olaraq onun ünvanına nalayiq ifadələr işlədib və əlindəki mobil telefonla MMC-nin anbardarı Sabir İsmayılovun baş nahiyəsinə 3 dəfə zərbə vuraraq ona müxtəlif dərəcəli bədən xəsarəti yetirməklə qərəzli xuliqanlıq hərəkətləri edib.
Qeyd edək ki, Rasim Məmmədov özünü “İctimai Nəzarət Koalisiyası” İctimai Birliyinin sədri kimi təqdim edir. Rasim əvəllər də Ramiz Mehdiyevin "krışalığı" altında adamdöymək üçün xüsusi qoçu dəstəsi saxlayırdı.
Xatırladaq ki, fevralın4-də də Bakı Ağır Cinayətlər Məhkəməsində Tağı Əhmədovun sələmə verdiyi 2 milyon manat pul verdiyi adamları YAP binasında döydüyü və buna görə məhkəmədə ifadə verməsi istənilmişdir. Hər iki fakt üzrə oxşarlıqlar var. Hər iki məmurun eyni tip xarakterli olması hiss edilir. Təbii sual ortalığa çıxır. Niyə bu adamlar özlərini qədim qəbilənin adamları kimi cəmiyyətə təqdim etmək istəyirlər? Bəlkə bu doğrudanda belədir? Əgər belədirsə, o zaman ölkədə nə baş verir?
İfadetv.com
