Müdafiə sənayesi nazirinin müavini Yəhya Musayevin həyat yoldaşı Zemfira Musayevanın Dubaya köçdüyü bildirilir.
İfadetv.com bildirir ki, "Unikal"ın əldə etdiyi məlumata görə, Z.Musayeva bu ilin əvvəlindən Dubaya səfər edib və hələ də Bakıya geri qayıtmayıb. Onun Dubaya köçməsi təsadüfi deyil. Belə ki, nazir müavini Yəhya Musayevin Dubaydakı biznes şəbəkəsini məhz həyat yoldaşı Zemfira xanım idarə edir. Zemfira Musayeva təkcə 2022-ci ildə xarici ölkələrə 53 dəfə səfər edib. Onun uçuşları 2021-2022-ci illəri əhatə edir, əsasən də London, Dubay və Türkiyəyə olub.
Mərhum nazir Yavər Camalovun dövründə müavin postuna təyin edilən Yəhya Musayevin London və Türkiyədə də biznes şəbəkəsinin olduğu bildirilir. Məlumata görə, Türkiyədəki biznes şəbəkəsi Yəhya Musayevin qaynı İlqarın nəzarətindədir.
Nazir müavininin oğlu Elvin Musayev də tez-tez Dubaya və Türkiyəyə səfər edir. O, sonuncu dəfə 2022-ci ilin oktyabr ayında Dubaydan Londona, daha sonra isə Türkiyəyə gedib. Elvin Musayev hazırda Bakıdadır.
63 yaşlı nazir müavini Yəhya Musayev isə Dubaya sonuncu dəfə 14 dekabr 2021-ci il tarixində səfər edib, həmin ayın 30-da Bakıya qayıdıb.
Musayevlər ailəsi paytaxtın Səbail rayonunda, Badamdarda, Neftçilər prospektində çox sayda bahalı mülklərə sahibdir. Onların Türkiyədə də bahalı mülkləri, otelləri və restoran şəbəkələri var.
Qeyd edək ki, Zemfira Musayeva külli miqdarda pulla ölkəni tərk edib.
P.S. Xatırladaq ki, hələ 10 il əvvəl nazir Yavər Camalovun sağlığında Müdafiə Sənayesi Nazirliyindən ixtisar edilmiş işçilərinin mətbuata ötürdüyü məlumatlardan aydın olurdu ki, müxtəlif növ silahların istehsalı, xammalın əldə edilməsi zamanı sənədlərdə alış qiymətləri ən azı 10 dəfə şişirdilirdi. Görünür, istər sabiq nazirin, istərsə də indiki nazir müavinin birdən birə qeyri leqal gəlirlərinin astronomik həddə artması bu fakt üzrə də baş verə bilər. Dövlətin yeni silahlar üçün ayırdığı milyonları saxta sənədlər tətrib etməklə mənimsəyən Musayevlər ailəsi nə üçün də özünə Bakıda, Türkiyədə, Dübayda bahalı mülklər almasın, bahalı şirkətlər təsis edib iri bizneslə məşğul olmasın? Bir sözlə, HARAMLARI olsun! 
