Dəyərli oxucularımız!
2007-ci ildən Azərbycanda fəaliyyət göstərən Türkiyənin dünyada məşhur olan “Polat Yol Yapı San.və Tic. Anonim Şirkəti” filialının magistral yolların inşası və yenidənqurulmsı zamanı yol verdiyi irimiqyaslı korrupsya faktları və maliyyə maxenasiyalaı barədə apardığımız araşdımalar nətiəsində əldə ediyimiz çoxsaylı faktlar üzəində bir qədər də dəqiqləşdirmə işləri apardıqdan sonra araşdırmamızı yenidən ictimai müzakirəyə çıxarırıq:
Qarabağ və Şərqi Zəngəzur iqtisadi rayonları ərazisində Prezident İlham Əliyevin tapşırığı ilə icra olunan və işğaldan azad edilmiş rayon və kəndlərin sosial-iqtisadi inkişafında mühüm rol oynayacaq yol infrastrukturu layihələrindən biri olan Xudafərin-Qubadlı-Laçın avtomobil yolunun asfaltlanması işlərinə 2021-ci ildən start verilib.
Rəsmi məlumatda bildilir ki, başlanğıcını Hacıqabul-Horadiz-Ağbənd-Zəngəzur dəhlizi magistral avtomobil yolunun Xudafərin su anbarı yaxınlığından keçən hissəsindən götürən Xudafərin-Qubadlı-Laçın avtomobil yolunun uzunluğu 56.4 km təşkil edir. Sözügedən yolun Xanlıq yaşayış məntəqəsindən ayrılaraq Qubadlı şəhərinə qədər uzunluğu 14 km olan yeni avtomobil yolunun da inşası icra olunur. Qeyd edilən yolların ümumi uzunluğu isə 70.4 kilometrdir.
Tikinti işləri çərçivəsində Xudafərin-Qubadlı-Laçın avtomobil yolunun 37 km-lik hissəsində torpaq yatağının inşası işləri yekunlaşmışdır. “İnşaat Norma və Standartları”na uyğun olaraq sözügedən hissədə artıq asfalt-beton örtüyünün döşənməsi işlərinə başlanılıb.
"POLAT YOL YAPI" ŞİRKƏTİ 300 İLLİK MƏSCİDİMİZİ NİYƏ DAĞITDI?
Çox təəəssüflər olsun ki, bu layihənin həyata keçirilməsi zamanı Xudafərin-Qubadlı-Laçın avtomobil yolunun tikintisi zamanı Erməni vəhşilərindən canını qurtaran Qubadlı rayonunun Yusifbəyli kəndində yerləşən XVlll əsrə aid məscidin söküldüyü müəyyən edilib.
Baş vermiş hadisə barədə Azərbaycan Respublikasının Prezidenti İlham Əliyevə məruzə olunub, dövlət başçısı tərəfindən aidiyyəti strukturlara baş vermiş hadisənin araşdırılması və günahkarların cəzalandırılması ilə bağlı tapşırıq verilib.
Məsələ ilə bağlı yerli mətbuata daxil olan məlumata görə Qubadlı rayonunun Yusifbəyli kəndində yerləşən XVlll əsrə aid məscidi ərazidə yol tikintisi ilə məşğul olan Türkiyənin “Polat Yol Yapı San.və Tic. Anonim Şirkəti” söküb. 
Məlumatda qeyd edilir ki, adı çəkilən məscid anlaşılmazlığa görə “Polat Yol Yapı şirkəti tərəfindən 300 illik məscidi sökübmüş!?.
Xatırladaq ki, erməni vandalları həmin məşhur məsciddə mal və donuz saxlamasını, yəni ermənilər tərəfindən vandalizmə məruz qalmasını sübut edən videokadrlar da TV-lərdə ictimaiyyətə göstərilmişdir. Və çox təəssüflər olsun ki, dövlət başçısı tərəfindən baş vermiş hadisənin araşdırılması və günahkarların cəzalandırılması ilə bağlı tapşırıq versə də bu günə kimi kimsənin məsuliyyət daşıdığının şahidi olmadıq.
Xatırladaq ki, sözü gedən məscid Azərbaycan Respublikasının Nazirlər Kabinetinin 2 avqust 2001-ci il tarixli 132 nömrəli Qərarı ilə yerli əhəmiyyətli memarlıq abidəsi kimi dövlət qeydiyyatına alınıb.
Qeyd edək ki, əvvəllər yerli mətbuatda, o cmlədən İfadetv.com İA-də “Polat Yol Yapı San. və Tic. Anonim Şirkəti”nin Azərbaycanda gördüyü işlərlə bağlı çox saylı yazılar dərc edilib. Həmin yazılarda “Polat Yol Yapı San. və Tic. Anonim Şirkəti”nin çəkdiyi yolların keyfiyyətsiz olmasından, korrupsiya faktlarından bəhs edilir.
“Polat Yol Yapı San. və Tic. Anonim Şirkəti”nin Azərbaycanda son 12 ildə törətdiyi irimiqyaslı korrupsiya faktları barədə:
Son vaxtlar “Azərbaycan Avtomobil Yolları DA-yi Açıq Səhmdar Cəmiyyətinin nəzarəti altında Dünya İnkşaf Bankı və Asiya İnkşaf Bankının maliyyə dəstəyi və dövlət büdcəsi vəsaitləri ilə inşa olunan yolların yenidən tikilərək istifadəyə verilməsi sürətlə davam edir. Nəzərə alaq ki, belə layihələrin həyata keçməsi üçün son 10 ildə xarici kreditorlardan alınıb AAYDA-ya verilmış vəsaitin həcmi təxminən 3.9 milyard dollar olmuşdur. Belə layihələrin həyata keçirilməsində aktiv iştirak edən şirkətlərdən biri də Türkiyənin “Polat Yol Yapı San. və Tic. Anonim Şirkəti”dir.
Bu şirkətin 2015-ci ildə yerinə yetirdiyi Şəki-Qax yolunun, 2017-ci ildə Gəncə-Bəhramtəpə yolunun, 2013-cü ildə Oğuz-Zarağan-Qəbələ yolunun, 2019-cu ildə isə təhvil verdiyi Bakı -Şamaxı yolunun “İnşaat Norma və Standartları”na uyğun olmayaraq salınan asfalt-beton örtüyünün keyfiyyətsiz olmasının səbəblərini araşdırmış və 2020-2021-ci illərdə aidyyatı üzrə direktiv orqanlar qarşısında qanuni tədbirlər görülməsi üçün qaldırmışdıq. Çox təəssüflər olsun ki, "Polat Yol Yapı San. və Tic. Anonim Şirkəti”nin respublikamızın müxtəlif bölgələrində törətdiyi irimiqyaslı korrupsiya cinayətlərinə bu günə kimi hüquqi qiymət verilməmiş, əksinə bu şirkətə işğaldan azad olunmuş ərazilərimizdə yeni layihələrin icra edilməsi tapşırılmışdır. Azərbaycanda inşa etdiyi 1100 km-dən artıq keyfiyyətsiz yollara rəğmən korrupsiyalaşmış "Polat Yol Yapı San. və Tic. Anonim Şirkəti”nə yenidən Qarabağ ərazisində I texniki dərəcəli yolların çəkilişi sifariş edilirsə, o zaman anlamağa çalışırıq ki, görəsən nə baş verir? Doğrudanmı, bu şirkətin Qubadlı-Laçında inşa etdiyi I dərəcəli asfalt yol Paşinyanın Kəlbəcərdə 2019-cu ildə inşa etdirdiyi 3-cü dərəcəli yoldan keyfiyyətli olacaqdır. Axı Azərbaycan tankçıları etiraf edirlər ki, "Ermənilərin Kəlbəcərdə tikdikləri asfaltın üstündə 60 tonluq tankı 360 dərəcə çevirsək də 5 sm-lik iz belə sala bilmirik".
Elə ona görə də "Polat Yol Yapı" şirkətinin uzun müddətdir ki, Azərbaycanda gördüyü işlərə real qiymət vermək üçün 2015-ci ildə təhvil verdiyi 35 km Şəki-Qax yolunun inşası zamanı törətdiyi korrupsiya faktlarını detallı şəkildə arqumentlərlə təhlil etməyimiz kifayət edər:
Sabiq Nəqliyyat naziri Ziya Məmmədov Şəki-Qax avtomobil yolunun 4 noyabr 2015-ci ildə açılışı zamanı Prezident cənab İlham Əliyevə rəsmi olaraq məlumat vermişdirdir ki, avtomobil yolunun yenidən qurulması işlərinə 2010-cu ildə başlanmışdır. İkizolaqlı yolun uzunluğu 35 kilometr, hərəkət hissəsinin eni 7, torpaq yatağının eni 12, asfalt-beton örtüyünün eni isə 8 metrdir. Yolun 26 kilometri Şəki rayonunun, 9 kilometri Qax rayonunun ərazisinə düşür.
Layihənin icrasına 2011-cü ildə başlanılıb və 2015-ci ildə başa çatıb.
Layihə 2 hissədən ibarətdir:
I hissə: Şəki-Qax hissəsi, yolun uzunluğu- 35,0 km;
II hissə: Qax-Zaqtala hissəsi, yolun uzunluğu – 28,0 km ;
⦁ Sifarişçi: Azərbaycan Respublikası Nəqlliyyat Nazirliyi “Azəryolservis” ASC. Sözügedən layihənin təmiri başa çatdırılan Şəki-Qax hissəsidir
Yerinə yetirilmiş iş həcmləri
⦁ Torpaq işləri - 1005,7 min m3;
⦁ Əsasın alt layının tikintisi üçün materialın daşınması – 790,5 min m3;
⦁ Əsasın alt layının 25 sm qalınlığında qırmadaş qarışığından tikilməsi – 101,6 min m3;
⦁ Asfalt-beton örtük, 3 laydan ibarət qalınlığı 21 sm ;
⦁ Asfalt-beton qarışığı sərf edilmişdir -182,1 min ton;
⦁ Beton bordyurların quraşdırılmışdır – 8000 m;
⦁ Yol üzərində, ümumi uzunluğu 2100 pm olan 21 körpü vardır;
Yaxınlıqdakı "Şin" çay yatağından qanunsuz daşınıb yol yatağına tökülən daşlı-qumlu torpaq
⦁ Xaricdən alınmış kreditlər və dövlət büdcəsi hesabına həyata keçirilən bu layihə üzrə yerli sakinlərin verdiyi məlumatlar əsasında apardığımız araşdırmalardan sonra bir sıra ciddi korrupsiya hallarının baş verdiyinin şahidi olduq. Belə ki, AR Nəqliyyat Nazirliyinin sifarişi əsasında həyata keçirilən 35 km uzunluğunda müasir standartlara cavab verən asfalt yolun çəkilişi zamanı smeta-planda qeyd edildiyi kimi, 101,6 min kub.m. əsasın alt layının 25 sm qalınlığında tikinti normalaraına uyğun olaraq qırmadaş qarışığından tikilməsi nəzərdə tutulsa da, bu tikinti materialı əvəzinə yaxınlıqdakı Şin, Gürmük, Qaşqaçay çay yataqlarından qanunsuz olaraq xam daş-çınqıl-qum qarışığı daşınmaqla istifadə edilmişdir. Beləliklə, podratçı şirkət dövlətin əlqaədar qurumları olan ETSNvə FHN-nin dövlət fonduna daxil olan çay yataqları qanunsuz mənimsənilərək ekologiyaya ciddi ziyan vurulmuşdur. Nəticədə layihədən kənar yerli tikinti materiallarından qanunsuz istifadə edilməsi baş vermişdir. Dorudur, ETSN 7 saylı Regional Ekoloji Təhlükəsizlik İdarəsi və FHN-nin Şimal-Qərb Regional İdarəsi rəhbərlərilə olan gizli sövdələşmələrdən sonra dövlət büdcəsinə heç bir mədən vergisi ödəmədən, yerli təşkilatlarla rəsmi müqavilələr bağlamadan onlar birlikdə irimiqyaslı korrupsiya cinayətləri törətmişlər. Lakin sənədlərdə Torpaq işləri - 1005,7 min m3; Əsasın alt layının tikintisi üçün materialın daşınması – 790,5 min m3; Əsasın alt layının 25 sm qalınlığında qırmadaş qarışığından tikilməsi – 101,6 min m3 şişirtmə rəqəmlər sənədlərdə göstərilmişdir. 
Qax körpüsünün üstü. Rəsmi açılış zamanı nazir Z.Məmmədov prezident İlham Əliyevə yolun inşaası ilə bağlı bəzi yalan məlumatları məruzə edir.
Təkcə bu epizod üzrə göstərə bilərik ki, görülən faktiki işlər belədir:
İnçə kəndindən Köndələn kəndinə qədər olan məsafə 9 km olsa da, bunun 1,6 km hissəsi inşa edilmiş körpülərin payına düşür. Qalan 7.4 km və Biləcik kəndi ilə Qaşqaçay çay yatağına qədər olan hissənin 2 km olduğunu nəzərə alsaq burada yolun 9.4 km hissəsinin yol yatağının hündürlüyü 6 m, eninin 12 m və uzunluğunun 9400 m olduğunu nəzərə alsaq, deməli təkcə buraya 676.800 kub m. yaxınlıqdakı çay yataqlarından daş-çınqıl materialı daşınıb tökülmüşdür. Əgər hər hər bir kub m təbii sərvət hesab olunan daş-çınqıl materialı üçün qanunvericiliyə əsasən nəzərdə tutulan 1 manat mədən vergisi ödənilsəydi, o zaman dövlət büdcəsinə 676800 manat mənfəət daxil olardı. Göründüyü kimi, təbii ehtiyatlardan qanunsuz istifadəyə görə "Polad Yol Yapı" ETSN və FHN-nin yerli təşkilatları rəhbərlərinə nəzərdə tutulan pulun bir hissəsini verməklə işlərini bitmiş hesab etmiş və hamısı birlikdə ağır cinayət törətmişdir. Layihədə nəzərdə tutulan və yolun qalan 25.4 km hissəsinin yol yatağının hündürlüyün 1 m olduğunu nəzərə alsaq, bu hissəyə də çay yataqlarından 307.200 kub m. xam material daşınıb qanunsuz istifadə edilmişdir. Və büdcədən 307200 manat verginin ödənilməsindən yayındırlmışdır. 
Biləcik kənd yolu. İndi bu yoldan əsər-əlamət qalmayıb.
Nəticədə milyonlarla manat dövlət vəsaiti təkcə bu epizod üzrə mənimsənilmişdir. Yol əsasının alt layının tikintisi üçün sənədlərdə materialın daşınması üçün 790 min kub m., torpaq işlərinin görülməsi üçün 1 milyon 5700 kub.m, və 101600 kub.m qırmadaşın istifadə edilməsi üçün isə 101.600 kub m göstərilsə də, reallıqda bu rəqəm həqiqəti əks etdirmir Yəni, reallıqda hər üç hisəyə cəmi 983.880 kub m. xam çay yatağı materialı qanunsuz olaraq daşınaraq tökülmüşdür.
OĞRUNUN BUYNUZU OLURMU?
Digər əsas faktlardan biri də budur ki, ümumi eni 12 m, asfalt-beton örtüyünün isə eninin 8 m olması göstərilməklə, uzunluğu 35000 m olan asfalt yolun qalınlığı 21 sm olan asfalt-beton örütyünün 3-cü əsas üzlük asfalt qatı ümumiyyətlə vurulmamış, və qeyd edildiyi kimi reallıqda 3-cü texniki dərəcəli deyil, 5-ci texniki dərəcəli olmuşdur. Doğrudur, podratçı təşkilat olan Türkiyənin “Polad Yol Yapı” şirkəti standartlara uyğun olaraq 3-cü asfalt qatını vurmaq istəsə də, sifarişçi “Azəryolservis” ASC-nin rəhbərliyi ( cənab Cavid Qurbanov) buna imkan verməmişdir. Bu faktı “Polad Yol Yapı” şirkətinin texniki direktoru cənab Zəfər bəy də bizimlə telefon danışığı zamanı təsdiq etmiş və bildirmişdir ki, "bizə nə qədər para (maliyyə) ayırırlarsa, biz də ona uyğun iş görürük". 
Qax Şəki yolu
Tərəflər bu işin müqabilində təkcə bir epizod üzrə yəni, işlənməsi nəzərdə tutulan, qalınlığı 7 sm olmaqla, 280000 kv m. asfalt-beton örtüyü əvəzinə ayrılan milyonlarla manat dövlət vəsaitini mənimsəməklə ağır iqtisadi cinayətlər törətmişlər. Yəni, konkret desək, təkcə 3-cü asfalt-beton örtüyünün faktiki olaraq çəkilməməsi nəticəsində dövlətin ən azı 4 milyon manat vəsaiti mənimsənilmiş və podratçı təşkilatla sifarişçi təşkilat rəhbərliyi və FHN-nin regional İdarəsi arasında mənimsənilərək görülən işin təhvil verilməsi barədə istismar aktı tərtib edilmişdir. Yerində apardığımız monitorinq nəticəsində verilən məlumatlar bir daha təsdiqini tapmışdır. Podratçı şirkət 3 qat asfalt əvəzinə 2 qat asfalt (astar və üz dən ibarət 14 sm qalınlıqda) çəkməklə işlərini bitmiş hesab etmişlər. Belə yolun ömrü isə nəzərdə tutulduğundan az olur və tez dağılır. Nəzərə alsaq ki, Şəki-Qax yolu intensiv yağışlara məruz qalan bir zonadır. Budur, rəsmi açılışdan 7 il keçmişdir və son müşahidələrimizdən məlum olur ki, yolun bir çox yerlərində çökmələr, çatlar, qabarmalar müşahidə olunur.Yəni asfalt artıq yarasız vəziyyətə düşmüşdür. Şəki-Qax yolunun 8-ci km-də uzunluğu 1400 m olan körpünün üzərinə səpilmiş 3sm olan 1 qatdan ibarət asfalt qatının çox hissəsində çuxurlar əmələ gəlmişdir. Müqayisə üçün onu da qeyd edək ki, “Polad Yol Yapı” şirkəti Oğuz dairəsindən Zarağan-Qəbələ şəhərinə qədər olan 42 km – lik yolda da asfalt-beton işlərini 2012-ci ildə yüksək keyfiyyətlə yerinə yetirmişlər. Yəni bu zonada şirkət bütün tikinti norma və qaydalarının bir hissəsinə əməl etməklə işi sonadək icra edib başa vurmuşdur. Hazırda eyni vaxtda istifdəyə verilmiş bu yolları müqayisə etməyə dəyməz. Oğuz-Qəbələ yolu reallıqda da 3-cü texniki dərəcəli olub Şəki-Qax yoluna nisbətən yüksək keyfiyyətlidir və uzunömürlü olcaqdır.
Xatırladaq ki, Gəncə-Bəhrəmtəpə yolunun tikintisi layihəsini 2017-ci ildə həyata keçirən “Polat Yol Yapı” şirkəti Qarqar çayının yatağındakı çınqıl və qum yataqlarını qanunsuz olaraq istismar etmişdir. Belə ki, bu barədə mediada Ağcabədi rayon sakinlərinə istinadən yayılan şikayət məktubunda iddia olunur ki, şirkət heç bir müqaviləsi olmadan və ödəniş etmədən, sadəcə Ağcabədi İcra Hakimiyyətinə rüşvət verməklə Qarqar çayının yatağındakı çınqıl və qum yataqlarını istismar etmişdir.
Şamaxı yolu
Bakı- Şamaxı yolunun 15- 94 km hissəsinin yenidən qurulması və yol zolağının 4 -ə çatdırılması üçün 2016-2019-cu illər ərzində görülən işlər zamanı da layihə-smeta sənədlərində qeyd edilən tikinti norma və qaydalarına bir sıra hallarda əməl edilməmişdir. Belə ki, tikinti zamanı, yol yatağının hazırlanması mərhələsində istər əsasın alt layının tikintisi üçün materialın daşınması zamanı isttifadə olunan materiallar, istərsə də əsasın alt layının 25 sm qalınlığında qırmadaş qarışığından tikilməsi nəzərsə tutulsa da hər iki epizod üzrə istifadə edilən materiallar Qobustan rayonun Nərimankənd yaxınlığında ( 6 km-də ) yerləşən “Diribaba” dağının ətrafındakı bərk və yumşaq suxurlarının ekologiyanın qanunsuz pozulması nəticəsində daşınaraq sözügedən yolun tikintisində gen-bol istifadə edilmişdir. Nəticədə “Diribaba dağının ətrafındakı dağlar Yer planetindən birdəfəlik məhv edilərək yoxa çıxmışdır. Verilən məlumata görə podratçı təşkilat olan “Polad Yol Yapı” şirkəti rəhbərliyi ETSN-nin Ekoloji Təhlükəsizlik Agentliyinin və Qobustan rayon İcra hakimiyyəti başçısı cənab Adil Məmmədovla gizli sövdələşərək 3 milyon manat müqabiində dağın bütövlüklə sökülərək daşınıb yol tikintisində istifadə etmişdir. Qeyd edək ki, yol tikintisi üçün qalınlığı 25 sm nəzərdə tutulan qırmadaş materialı, istərsə də əsasın alt layının tikintisi üçün dağ suxuru olan qaya daşlarıilə əvəz olunması yol tikinti və normalarına qti olaraq uyğun deyildir. Elə bunun nəticəsində də faktiki olaraq Bakı-Şamaxı yolunun 50 -79-cu km-də baş vermiş çökmələr nəticəsində təkrar bu hissəyə vurulan asfalt-beton qatının hündürlüyü 80 sm olmuşdur ki, bu da Çinnesin "Rekordlar kitabı"na düşə biləcək bir hadisədir. Yəni, düyanın heç bi ölkəsində 80 sm qalınlığı olan asfalt yola rast gəlinə bilməz.
Bir sözlə, "Polat Yol Yapı San. və Tic. Anonim Şirkəti”nin Azərbaycanın bütün bölgələrində bu günədək inşa etdiyi 1100 km yolların demək olar ki, hamısı iri maliyyə maxenasiyaları və korrupsiyaya yol verilməklə inşa edilmişdir.Yəni, Qax yolu üzrə apardıımız detallı araşdırmalarımıza digər yollarda da rast gəlmək mümkündür.
"Polat Yol Yapı San. və Tic. Anonim Şirkəti”nin Azərbaycanda törətdiyi cinayətlərdən ən maraqlısı isə onun uzun illər külli-miqdarda vergilərdən yayınması olmuşdur. Belə ki, şirkətin rəsmi ofisi Bakı şəhəri, Nərimanov rayonu, Hüseyn Arif küçəsi, ev 24 ünvanda yerləşsə də, formal və saxta qeydiyyatla Goranboy rayonun Nadirkənd kəndində bir türk vətəndaşının adına yaratdıqlar “Polat Yol Yapı” şirkəti kimi həyata keçirib. Şirkətin burada da əsas məqsədi Azərbaycanda fəaliyyət göstərdiyi 15 il ərzində vergidən yayınmaq olmuşdur. Çünki şirkətin özünü xidmət göstərən bir təşkilat kimi rəsmən qeyd etməsi o anlama gəlir ki, qanunvericiliyə görə Bakıda fəaliyyət göstərən vergi ödəyicilərindən 4%, rayonlarda isə xidməti fəaliyyət göstərən VÖEN sahibləri 2% vergi ödəmələri tələb olunur. Belə olan halda isə "Polat Yol Yapı San. və Tic. Anonim Şirkəti” Azərbaycanda 15 il ərzində hər ay göstərdiyi xidmətə görə və bağladığı milyonluq müqavilələrdə qeyd edilən rəqəmlərlə hesablasaq nəzərdə tutlduğundan 2% az vergilər ödəmişdir. Ki, bu da külli-miqdarda vergilərdən yayınmaya və dövlət büdcəsindən milyonlarla manat vəsaitlərin yayındırılmasına səbəb olmuşdur.
Hesab edirik ki, özünü 1975-ci ildən dünya ölkələrində yüksək keyfiyyətli, 2007-ci ildən isə Azərbaycanda zəif keyfiyyətli magistral yollar inşa edən qardaş Türkiyənin "Polat Yol Yapı San. və Tic. Anonim Şirkəti”nin son 12 ildə Vətənimizdə törətdiyi irimiqyaslı korrupsiya faktlarının araşdırlması və hüquqi qiymət verilməsi müharibə şəraitində olan Azərbaycan dövlətinin və ictimaiyyətinin maraqları daxilindədir. 
AYDIN POLATIN SƏMİMİYYƏTİNƏ İNANMAQ OLARMI? Və yaxud sözü və əməli uyğun gəlirmi?
Araşdırmamızı sonda “Polat Yol Yapı Sanayi ve Ticaret A.Ş”nin Azərbaycan Respublikasındakı filialının müdiri hörmətli Aydın Polatın dövlətimizin başısına yazdığı 02 oktyabr 2020-i il tarixli məktubunu rəsmi mövqe olaraq təqdim etməklə yeknlaşdırmaq istərdik:
Aydın Polatdan, Ərzurum, Türkiyə
Hörmətli cənab Prezident.
Mən “Polat Yol Yapı Sanayi ve Ticaret A.Ş”nin Azərbaycan Respublikasındakı filialının müdiri olaraq bu məktubu yazmaqla Sizə dərin hörmətimi və dəstəyimi bildirmək istəyirəm. Biz Türkiyə şirkəti olaraq artıq 13 ildir Azərbaycan Respublikasında yol tikintisi və yenidən qurulması layihələrini həyata keçiririk. Biz bu müddət ərzində heç bir zaman özümüzü xarici ölkədə hiss etməmişik və hər zaman doğma ölkəmizdəki kimi münasibət görmüşük. Azərbaycan və Türkiyə hər zaman bir bədəndə iki can olmuş və hər mövqedə bir-birinə dəstək nümayiş etdirmişdir. Bu günlərdə can Azərbaycan öz haqqı olan torpaqlarını erməni işğalından təmizləmək və ərazi bütövlüyünü təmin etmək üçün mübarizə aparır. Mən öz şəxsimdə və eyni zamanda, rəhbəri olduğum şirkətin imkanları üzrə hər zaman Azərbaycan dövlətinin yanında olduğumuzu bildirmişik. Allah bu yolda bizə, əsgərlərimizə dözüm və güc versin. Tezliklə Qələbə xəbərini şəxsən Sizdən almağın intizarındayıq. Yaşasın Azərbaycan-Türkiyə qardaşlığı, yaşasın bütöv Azərbaycan. Qələbə bizimlədir, Qarabağ Azərbaycandır!
Hörmətlə, Aydın Polat
Türkiyə Respublikası, Ərzurum şəhəri.
Qarşı tərəfin də mövqeyini işıqlandırmağa hazırıq, əgər deməyə sözləri olarsa.
İFADETV.COM-un araşdırma qrupu
