Azərbaycandakı banklar 2022-ci il üzrə (yanvar-dekabr) maliyyə göstəricilərini açıqlayıblar.
2022-ci il 26 bankdan 24-ü xalis mənfəət, 2-si xalis zərərlə başa vurub. "Bank BTB"nin xalis zərəri ehtiyat yaratması ilə əlaqədardır. Bank ötən il əməliyyat mənfəəti təmin edə bilib. Pakistan Milli Bankı Bakı filialının lisenziyası isə 2022-ci ilin oktyabr ayında ləğv edilib.
Mərkəzi Bankın məlumatına görə, 2022-ci ildə banklar 1 milyard 371.4 milyon manat məbləğində əməliyyat mənfəəti, 914.5 milyon manat məbləğində xalis mənfəət əldə ediblər. 2021-ci ilin müvafiq dövrü ilə müqayisədə bankların əməliyyat və xalis mənfəətləri müvafiq olaraq 45% və 50% artıb. Banklar tərəfindən 2022-ci il ərzində 261.5 milyon manat məbləğində mənfəət vergisi ödənilib.
Maraqlıdır, xalis zərər edən bankların bağlanma təhlükəsi varmı?
İfadetv.com xəbər verir ki, cebhe.info-ya açıqlamasında bank məsələləri üzrə ekspert Əkrəm Həsənov bildirib ki, bank minimum kapital tələbinə riayət etməyə davam edirsə, zərərlə işləməsi onun bağlanmasına səbəb olmur:
"Bank rəhbərliyi özləri istəsə, bağlaya bilərlər. Belə bir misal çəkim. Deyək ki, bankın özünün 70 milyonu var, xalis zərəri də 10 milyondur. Deməli, banka 60 milyon qalır, minimum kapital tələbi isə 50 milyondur. Deməli, bu da bağlanmaya səbəb olmur. Bank səhmdarları əlavə pul qoysalar, yenə də problem yaranmaz. Yəni xalis zərər kapital tələbindən çox olarsa, bank bağlana bilər. Sadəcə hamımız bilirik ki, "BTB Bank"ı Ramiz Mehdiyevin ailəsinə bağlayırlar. Buna görə ola bilər ki, səhmdarlar banka pul qoymasın. Yəni bu cəhətdən bankın bağlanmasını da istisna etməyək. Onsuz elə də böyük bank deyil".
Nəticə hasil olr ki, R.Mehdiyev bu banka şərik olduğu deyiən Rusiya FTX-nının şefi ilə müflis olmağa imkan vercək. Doğrudanmı, R.Mehdiyeinzünün də qeyd etdiyi kimi " Dövltə 27 il sədaqətə xidmət etdiyi" və topladığı 17 miyard dollar sərvəti belə tez qurtardı ki, bank da bağlansın.? Nəsə inandırıcı gəlmir. Burda başqa amil rol oynayır.
