Səfər Mehdiyevin qalmaqallı xalası oğlu tutduğu vəzifədən azad edilib.
Etibarlı mənbədən Tribunainfo.az-a verilən məlumata görə, Xocahəsən gömrük postunun rəisi vəzifəsində çalışan Vüsal Nuriyev vəzifəsindən azad edilib.
Bildirilib ki, Vüsal Nuriyev işdə yol verdiyi nöqsanlara görə vəzifəsindən azad edilib.
Qeyd edək ki, V. Nuriyev medianın yaddaşında öz avtomobili ilə qəza törətməsilə qalıb. 2020-ci il martın 8-də axşam saatlarındaV.Nuriyev Novxanı qəsəbəsində idarə etdiyi “90-AG-303” nömrə nişanlı, “Hundai Sonata” markalı, qara rəngli avtomobili ilə bir qadını vurub və və vurulan şəxs hadisə yerində ölüb. Hadisə zamanı onun sərxoş vəziyyətdə olduğu bildirilib.
Xatırladaq ki, təkcə Dövlət Gömrük Komitəsi Aparatında əsas vəzifələrdə S.Mehdiyevin 27 qohumu çalışırdı. Hamısı da sonradan özəl Univeritetlərdən adlarını yazdıraraq saxta diplomlar əldə etmişlər. İndi isə "yarpaq tökümü" başlayıb. Əslində gömrük sistemində işləmiş vəzifəli şəxslər indidən belə 70 il işləməslər də əldə etdikləri onların hətta əsl-nəsilləri üçün bəs edər.
