Bakı şəhərində Rusiya ordusunda xidmətlə bağlı bukletlərin paylandığı bildirilib
.
Bu barədə sosial şəbəkələrdə məlumat paylaşılıb.
Məlumata görə, əsasən rusların kompakt yaşadığı ərazilərdə gözə çarpan bukletlərdə Rusiya ordusunda müqaviləli xidmətin üstünlükləri və şərtləri barədə məlumat yer alıb.
Bukletlər Rusiya ordusunda xidmətlə bağlı “babalarımız kimi, vətən üçün çiyin-çiyinə duraq” başlığı ilə paylanıb. Rusiya uğrunda döyüşmək, hərbi əməliyyatlara qoşulmaq müqabilində Rusiya vətəndaşlığı, mənzil, yüksək maaş, ailə üçün xeyli güzəştlər və imtiyazlar vəd edildiyi bildirilir.
Bukletdə qeyd edilib ki, müqaviləni imzalayan şəxs altı aylıq xidmətdən sonra Rusiya vətəndaşlığı alır. Əgər şəxs vətəndaşlığı alırsa, özü və ailəsi üçün rəsmi mənzil almaq hüququ qazanır.
Digər iddiaya əsasən isə sözügedən bukletlər Rusiyada azərbaycanlıların kompakt yaşadığı ərazilərdə paylanılır.
Tələb şəxslərin 18-60 yaş aralığında olmasıdır.
Daxili İşlər Nazirliyinin Mətbuat Xidmətinin KİV və ictimaiyyətlə əlaqələr şöbəsinin rəisi, polis polkovnik-leytenantı Elşad Hacıyev mətbuata bildirib ki, bu barədə məlumatlıdırlar, məsələ araşdırılır.
Təkcə Rus faşistlərinin 1990-cı ilin 20 Yanvarında mülki əhaliyə qarşı törətdikləri qırğını yada salmaq kifayətdir ki, bu gün bu vəhşiliyin qisasını bizim yerimizə əfsanəvi Ukrayna Ordusu almaqdadır. Hansı ki, Azərbaycanın növbəti işğalı üçün Rus-faşist ordusuna birbaşa rəhbərlik marşal Yazov tərəfindən çox qəddadrlıqla həyata keçirilmişdir. Tək bu hadisəni xatırlayan hansı Azəri türkü bu gün özünə hörmətsizlik edərək Ukrayna çöllərində Rusiya tərəfindən təklif edilən ev, pul rüşvəti qarşılığında ölümə gedər?
