Elm və Təhsil Nazirliyinə Aparat rəhbəri təyin olunub. Bu barədə nazirlikdən məlumat verilib.
Bildirilib ki, bu vəzifəyə Mətin Kərimli təyinat alıb.
Qeyd edək ki, Mətin Kərimli 1999-cu ildə Bakı Dövlət Universitetinin Beynəlxalq əlaqələr fakültəsini bitirib. 2000–2001-ci illərdə Fransanın Strasburq Universitetində Avropa elmləri üzrə fənlərarası diplom, 2001–2002-ci illərdə Avropa elmləri üzrə magistr dərəcəsi alıb. 2012-ci ildə Harvard Universitetini dövlət idarəetməsi ixtisası üzrə magistr dərəcəsi ilə bitirib.
0Reklamınızı SmartBee ilə effektiv edin.
Mətin Kərimli Azərbaycan Gənclər Təşkilatları Milli Şurasının vitse-prezidenti, NATO-nun Müdafiə Siyasəti və Planlaşdırma İdarəsinin Beynəlxalq Katibliyində tərəfdaşlıq zabiti, Azərbaycanın NATO yanında nümayəndəliyində ikinci katib olub. Bundan başqa, Xarici İşlər və Vergilər nazirliklərində müxtəlif vəzifələrdə çalışıb.
2014-2020-ci illərdə əmək və əhalinin sosial müdafiəsi nazirinin müavini olub. 2020-ci ilin yanvar ayından Beynəxalq Əmək Təşkilatının Sakit okean hövzəsi ölkələri üzrə ofisinin direktoru olub.
İngilis, fransız, rus və ispan dillərini bilir. Evlidir, 3 övladı var.
Xatırladır ki, Mətin Kərimli Ali Məhkəməsinin sədri İnam Kərimovun qardaşıdır. O bu vəzifədən öncə ƏƏSMN-də nazir vəzifəsində çalışmışdır. Həmin dönəmdə qardaşı İ.Kərimov isə Kənd Təsərrüfatı naziri vəzifəsində işləmişdir. 2005-ci ildən Ramiz Mehdiyevin kadrı kimi fəaliyyət göstərir. Gəldiyimiz nəticə də budur ki, Azərbaycanda hər hansı vəzifəyə təyinat almış şəxsin arxasında hökmən daha iri ranqlı dövlət məmurunun dayanması gərəkdir. Başqa cür heç kəs, kimsədə üstün ola bilməz.
