Səfərbərlik və Hərbi Xidmətə Çağırış üzrə Dövlət Xidmətində tarama davam edirə Arzu rəhimovun görəvdən alınmasının ardından bu proses başlayıb və bildirək ki, keçmiş rəhbərin bu qısa müddətdə 10-a yaxın kadrı həsbə atılıb.DİA.AZ bildirir ki, proses davam edir və ən son olaraq...
Son xəbərlərdən aydın olur ki, Səfərbərlik və Hərbi Xidmətə Çağırış üzrə Dövlət Xidmətinin Xəzər rayon idarəsinin vəzifəli şəxsləri cinayət məsuliyyətinə cəlb edilib. Baş Prokurorluğun mətbuat xidmətindən verilən xəbərə görə, qanunsuz hərbi xidmətdən yayınma hallarına qarşı Baş Prokurorluq tərəfindən kompleks tədbirlər davam etdirilir.
Səfərbərlik və Hərbi Xidmətə Çağırış üzrə Dövlət Xidmətinin Xəzər rayon idarəsində baş verən qanunsuzluqlarla bağlı həmin Xidmətdən daxil olmuş məlumat əsasında Baş prokuror yanında Korrupsiyaya qarşı Mübarizə Baş İdarəsində araşdırma aparılıb.
Araşdırmalarla qeyd olunan idarənin Həqiqi hərbi xidmətə çağırış şöbəsinin rəisi vəzifəsini icra edən baş zabiti Savalan Rəsulov və həmin şöbənin zabiti Fərid İsmayılovun digər şəxslərlə qabaqcadan əlbir olub ayrı-ayrı çağırışçıların həqiqi hərbi xidmətə yararsız hesab edilmələrinə köməklik göstərilməsi müqabilində vətəndaşlardan müxtəlif məbləğlərdə pul vəsaitini rüşvət qismində almalarına və vəzifə səlahiyyətlərindən sui-istifadə etmələrinə əsaslı şübhələr müəyyən edilib.
İş üzrə toplanmış ilkin sübutlar əsasında Savalan Rəsulov və Fərid İsmayılova Cinayət Məcəlləsinin 311.3.1 (qabaqcadan əlbir olan bir qrup şəxs tərəfindən rüşvət alma), 311.3.2 (təkrat rüşvət alma), 311.3.3 (külli miqdarda rüşvət alma) və digər maddələri ilə ittiham elan edilərək barələrində məhkəmənin qərarı ilə həbs qətimkan tədbiri seçilib.
Hazırda bu cinayətlərin törədilməsində iştirak etmiş digər şəxslərin məsuliyyətə cəlb edilməsi istiqamətində istintaq tədbirləri davam etdirilir.
DİA.AZ bildirir ki, proses təkcə Xəzər rayonu ilə də yekunlaşmayacaq. Eyni zamanda Bakının Yasamal və Səbayel rayonlarının səfərbərlik idarələrində əməliyyat gözlənilir...
NƏ BAŞ VERİR? Yəni əgər həqiqətən də bu kadrlar cinayətkardırsa, o zaman bu kadrları illərdir bəsləyən, onları görəvləndirən keçmiş rəhbər - Arzu Rəhimovun özü barəsində də hüquqi işləmlər başladılmalıdr. Bu olacaqmı? Hər halda, gedişatdan anlayacağılq... Ola bilsin ki, Arzu Rəhimov da Əbülfəs Qarayev, Eldar Mahmudov kimi yaxasını qurtara bildi...
