Azərbaycan və Ermənistan xarici işlər nazirləri Rusiyanın vasitəçiliyi ilə bu gün nəyə razı olsalar da, o zaman 10 noyabr sənədinin bəndlərinin icrasını ləğv etmək üçün hər şeyi edəcəklər”. DİA.AZ JAMAZ.İNFO-ya istinadla xəbər verir ki, bunu erməni hərbi ekspert Hayk Nahapetyan deyib.
O qeyd edib ki, Ermənistan və Azərbaycanın xarici işlər nazirləri Rusiya Federasiyasının köməyi ilə müəyyən sazişlər bağlaya bilərlər. “Lakin onlar digər danışıqlar platformalarında, xüsusən də Türkiyə və ya Türkiyə nümayəndəsinin iştirak etməli olduğu Qərb platformalarında başqa sazişlər bağlayacaqlar. Rusiya tərəfi isə istənilən müqaviləni aydın sənəd və imza ilə təsbit etdirməyə çalışır”.
Nahapetyan deyir ki, əgər nəzəri cəhətdən belə Rusiya danışıqlar formatından çıxmağa çalışsa, burada sonuncunun üçtərəfli öhdəlikləri var və effektivliyi olduqca aşağıdır. “Lakin bu, həm Ermənistan, həm də Qarabağ üçün son dərəcə effektiv platformadır. Qarabağın və Rusiyanın özünəməxsus təsir alətləri var və o, tərəf tutmayacaq”.
“Qarabağın Rusiyanın bir hissəsi kimi tanınması variantı nə dərəcədə mümkündür” sualına cavab verən erməni ekspert vurğulayıb ki, bunun üçün ilk növbədə referendum olmalıdır. “Düzdür, bu cür siqnallar artıq diqqət çəkir. Ruben Vardanyan bir neçə gün əvvəl bu barədə açıq danışdı. O dedi ki, Bakı ilə Xankəndi arasında birbaşa əlaqə Rusiyanın vasitəçiliyi ilə həyata keçirilməlidir. Bu, Rusiyanın barışdırıcı və ya yardımçı tərəf kimi deyil, birbaşa tərəf kimi cəlb edilməsini təşkil edir. Və Rusiya nəzəri olaraq tərəf kimi çıxış etdikdə, Qarabağ tərəflərdən birinə, təbii ki, Rusiyaya müraciət etmək, həmin dövlətə inteqrasiya etmək üçün bütün hüquqi əsaslara malik olacaq”.
O daha sonra qeyd edib ki, Ruben Vardanyan Qarabağın Rusiyaya birləşdirilməsi məsələsində ən aktiv tərəfdir. “Düzdür, onun hazırda orada heç bir vəzifəsi və ya rəsmi statusu yoxdur. Lakin onun təkcə Qarabağda deyil, həm də Ermənistanda və diasporda danılmaz nüfuzu və ardıcılları var. Ona görə də, istisna etmirəm ki, Qarabağın Rusiyaya birləşdirilməsi prosesinin generatoruRuben Vardanyanın özü”.
