Əsli-Azərbaycan Respublikasının Prezidenti cənab İlham Əliyevə,
Surəti- Azərbaycan Respublikasının 1-ci vitse-prezidentinə,
Surəti- Azərbaycan Respublikasının Baş naziri cənab Əli Əsədova,
Surəti- Azərbaycan Respublikası Ədliyyə naziri cənab F.Məmmədova,
Surəti- Azərbaycan Respublikasının Baş prokuroru cənab K.Əliyevə,
Surəti- Azərbaycan Respublikasının Daxili işlər nazirinə,
Surəti- Azərbaycan Respublikasının DİN-nin Baş Mütəşəkkil Cinayətkarlığa qarşı Mübarizə İdarəsinin rəisinə,
Surəti- Azərbaycan Respublikasının Milli Məclisin spikeri xanım S.Qafarovaya( ŞƏXSƏN)
Surəti- Azərbaycan Respublikasının İqtisadiyyat nazirinə,
Surəti- Azərbaycan Respublikasının İqtisadiyyat Nazirliyi yanında Vergi Xidməti Depertamentinə,
Surəti- Azərbaycan Respublikasının İqtisadiyyat Nazirliyi yanında Vergi Cinayətləri İdaerəsinə,
Surəti- Azərbaycan Respublikasının Baş Prokurorluq yanında Korrupsiyaya qarşı Mübarizə İdarəsi rəisinə.
Surəti- Azərbaycan Respublikası Ailə, Qadın və Uşaq problemləri Komitəsinə,
Surəti- Azərbaycan Respublikasının Ombudsman Aparatının rəhbərinə,
Surəti- Azərbaycan Respublikasının Mətbuat orqanı rəhbərlərinə,
Surəti- Bakı şəhər Prokurorluğuna,
Surəti- Abşeron rayon prokuroruna və Polis İdarəsi rəisinə.
Bakı şəhəri, Nəsimi rayonu, M.Cəfərov küçəsi, ev 10,giriş 7, məh.,3006, mən.,459- ünvanda yaşayan Hüseynov İslam Zahir oğlu tərəfindən
Hazırda çoxsaylı vətəndaşlara qarşı törətdiyi dələduzluq əməllərinə görə Baş Prokurorluq Yanında Korrupsiyaya qarşı Mübarizə İdarəsində istintaqı aparılan “FAM-88” MMC-nin direktoru Tağıyev Rafiq Nəçi oğlu, himayədarı və qohumu ( həmyerlisi) Hüseynov Fəxrəddin Balaxan oğlu və dəstəsinin 040 saylı, 06 avqust 2018-ci il tarixli MÜQAVİLƏYƏ əsasən bizə verilən mənzilin digər bir neçə şəxslərə sataraq törətdikləri cinayət əməllərinə hüquqiq qiymətin verilməsi" barədə
Ş İ K A Y Ə T Ə R İ Z Ə S İ
Çoxhörmətli cənab Prezident! Son 1 il ərzində “FAM-88” MMC-nin başımıza gətidyi qanunsuz hərəkətlərdən bezərək son ümid yeri kimi Sizə müraciət edirik.
Bildirim ki, mən də Azərbaycan vətəndaşı olaraq qonum-qonşudan borc alıb mənzil problemimin həll edilməsi üçün 2018-ci ilin avqustun əvvəlində üz tutdum Xırdalandakı əvvəlki adı “AFŞARAN” MMC olan və sonradan MMC-nin adını dəyişib “FAM-88” qoyublar) təsisçisi, əslən Biləsuvardan olan Hüseynov Fəxrəddin Balaxan oğlunun ofisinə. Və FAM-88 MMC-nin direktoru olan Fərəddinin həmyerlisi və qohumu olan Tağıyev Rafiq Narçə oğlu ilə 1 otaqlı mənzil üçün tələb olunan 35382 manat məbləği verib mənzil almaq üçün müqavilə bağlamışam. Budur, bu az vaxtda öyrəndim ki, mənə müqavilə əsasında verilən, Yəni Abşeron rayonu, Xırdalan şəhəri, M.Hüseynzadə 1 ünvanda, 5-ci blok, 16-cı mərtəbə, 347 N-li mənzil Məmmədov İlham Ərzuman oğlu adlı digər şəxsə satılıb.Bu adam da mənimlə olduğu kimi, “FAM-88” MMC-ilə 18 iyul 2022-ci il tarixli, 347 saylı müqavilə bağlamış və 40000 manat nağd ödəniş edərək mənə məxsus 58.97 kv m sahəsi olan mənzili özü də bilmədən almışdır. Və dərhal təmir etdirərək kirayəyə vermişdir. Maraqlı burasıdır ki, “FAM-88” MMC-nin direktoru R.Tağıyev 2021-ci ildə məni dəvət edərək mənzil üçün su, qaz və elektrik sayğaclarının qoyulması üçün məndən 1100 manat nağd pul istədi. Mən isə qəbzlə təkcə qaz sayğacı üçün 500 manat ödəniş etdim. Dedilər narahat olma, hər şey hazır olan kimi xəbər edəcəyik. Gəlib mənzilinizi təhvil alarsınız. İndi öyrənirəm ki, İlham Məmmədovdan da bu dələduz dəstə qaz, su və elektrik sayğacı üçün yenə 1100 manat alıblar. Bu gün hələlik mənə o məlumdur ki, mənzilim məndən 4 il sonar müqavilə bağlayan digər fiziki şəxs olan İlhama satıblar. Hələ məlum deyil ki, nə qədər adama mənə verilən mənzil satılıb.
Onu da öyrəndim ki, bizə verilən binanın sahibi və təsisçisi olan Fəxrəddin Hüseynov məsuliyyətdən yayınmaq üçün “AFŞARAN-A” MMC-nin direktoru və təsisçisi kimi bu MMC-ni ləğv etdirib əvəzində “FAM-88” MMC yaradıb və öz həmyerlisini və əməlinə şərik etdiyi Tağıyev Rafiq Nərçə oğlunu bu MMC-yə direktor təyin edib. İndi mənim kimi çoxsaylı şikayətçilər qalıb iki direktorun dələduz əməlinin burulğanında.
Bizə o da məlum oldu ki, əslən Biləsuvardan olan bu Hüseynov qardaşları bir mənzili 3-5 adama satmaqla qanunsuz və Allahsız əməl tutmaqdadırlar… Hüseynov Fəxrəddin Balaxan oğlunun işi istintaqda, digər qardaşı Mehman Hüseynov eyni əməlin yolçusu, başqa bir qardaşı Elxan Hüsyenov isə bir mənzili bir neçə adama satdığı üçün məhkəmə hökmü ilə 16 il azadlıqdan məhrum edilib, hələ də cəza çəkir.
Azərbaycan Respublikasının çox hörmətli Prezidenti İlham Əliyev və Baş Prokuroru cənab Kamran Əliyev!
“FAM-88” MMC-nin keçmiş direktoru Hüseynov Fəxrəddin Balaxan oğlu və hazırkı direktoru Tağıyev Rafiq Nərçə oğlunun qanunsuz əməlləri nəticəsində mənə külli miqdarda maddi zərər dəymişdir. Ölkə mətbuatından aldığım məlumatlara görə mənim kimi eyni dələduzluğa məruz qalmış digər 35 şikayətçinin ərizəsi hazırda Baş Prokuror yanında Korrupsiyaya qarşı mübarizə Baş İdarəsinin İstintaq İdarəsində istintaqı aparılan digər bir işə birləşdirilmiş və istintaq idarəsinin rəis Fərid Nağıyev tərəfindən müstəntiq Ələsgər Qocamana həvalə edilmişdir. Lakin nədənsə iki ilə yaxındır ki, İstintaq İdarəsi tərəfindən hər hansı bir tədbir görülmədiyi bildirlir. Yəni, nədənsə istintaq hərəkətləri çox zəif aparılır.
Bir daha xatırladım ki, “FAM-88” MMC-nin direktoru Tağıyev Rafiq Nəçi oğlu ilə aramızda bağlanmış 06.08.2018-cı il tarixli, 040 nömrəli müqavilə əsasında MMC Abşeron rayonu, Xırdalan şəhəri, M.Hüseynzadə küçəsi 1 ünvanında 5-ci blok, 16-ci mərtəbədə yerləşən 347 nömrəli mənzili izolə olunmuş 1 otaqdan ibarət pay kimi 35382 (otuz beş min üç yüz səksən iki) manat əvəzində mənə verməyi öz öhdəsinə götürmüş, lakin təqdim olunmuş maliyyə arayışına əsasən pulunu alsa da öhdəliklərini icra etməmişdir. Məndə olan həmin mənzilə aid bütün sənədlərin surətlərini təqdim edirəm. Həmçinin sonradan adı dəyişərək “FAM-88” MMC -nin yeni direktoru Tağıyev Rafiq Nərçə oğlu vəzifə səlahiyyətlərindən sui-istifadə edərək vəzifə saxtakarlığına yol vermiş və mənə məxsus mənzili dəyərindən 4700 manat bahasına, yəni təqdim edilmiş maliyyə arayışına əsasən 40000 (qırx min ) manata Məmmədov İlham Ərzuman oğluna qanunsuz olaraq satmışdır.
Budur, artıq 2 ildən çoxdur ki, 2021-ci ildən Korrupsiyaya qarşı Mübarizə Baş İdarəsinin İstintaq İdarəsində Azərbaycan Respublikası Cinayət Məcəlləsinin 178.2.3, 178.2.4, 178.3.2., 308.1, 313 və 314-2.1-ci maddələri ilə istintaqı aparılan 212026308 saylı cinayət işi üzrə son məlumata görə hələlik nə Fəxrəddin Hüseynov, nə dəki, Rafiq Tağıyev məsuliyyətə cəlb olunmamışdır.
Hörmətli cənab Baş Prokuror!
212026308 saylı cinayət işi üzrə mənim də etibarımdan sui-istifadə edərək məni aldadan şəxs “FAM-88” MMC-nin hazırki direktoru Tağıyev Rafiq Nərçə oğludur. Mən həmin şəxsdən və onun dəstəsindən şikayətçiyəm və onların CM-nin 178.3.2, 308.1 və 313-cü maddələri ilə cinayət məsuliyyətinə cəlb edilməsini, həmçinin mənə vurulmuş maddi zərərin qaytarılmasını tələb edirəm. Yuxarıda qeyd edilənlərə əsasən Sizdən xahiş edirəm ki, mənim şikayətim üzrə materialları 212026308 saylı cinayət işinə deyil, işin ədalətli aparılması və cinayət işinin başlanması üçün başqa orqana ( Bakı şəhər Prokurorluğuna və ya Abşeron rayon Prokurorluğuna ) göndərəsiniz.
Cənab Prezident İlham Əliyev!
Xahiş edirəm, “FAM-88” MMC-nin dələduz dəstəsinin tezliklə ifşa edilərək məsuliyyətə cəlb edilməsi üçün Şəxsi nəzarətiniz altrında tədbir görülməsi üçün aidiyyəti üzrə göstəriş verəsiniz. Əvvəlcədən təşəkkürlər.
Qoşmalar: 06 vərəq.
Hörmətlə, Hüseynov İslam Zair oğlu
