Və yaxud Priqojinin kəllə forması və fizionomiyası onun çoxdan FTX tərəfindən hazırlandığını deməyə əsas verir
Yevgeni Priqojinin iyun iğtişaşından sonra Rusiya müstəntiqləri onun evində axtarış apararkən, “Vaqner” rəhbərinin adından uçuş həyata keçirə biləcək oxşarının olduğunu təsdiqləyən sənədlər aşkarlamışdılar. İfadetv.com xəbər verir ki, bu barədə “Qardian” məlumat yayıb. Bildirilib ki, sənədlərdə bütün şəxsi məlumatlar Priqojinin idi, yalnız fotodan başqa… Bundan çıxış edən “Nyu York Tayms” isə Priqojinin uçuş zamanı iz azdırmaq üçün oxşarından istifadə edə biləcəyinə diqqət çəkib. Qiyam zamanı Priqojinin evindən çıxan “oxşarının sənədinin” görüntüsü də yayılıb. Qeyd edək ki, 23 avqustda Priqojinin biznes-jeti Moskvadan Sankt-Peterburqa uçarkən Tver vilayətində qəzaya uğrayıb. Priqojin də daxil olmaqla, göyərtədə olan 10 nəfərin hamısı ölüb. Təyyarənin vurulduğu və yaxud daxildən partladıldığı ehtimalı yüksəkdir. Çünki qəzadan öncə şahidlər havada ikən təyyarədə ardıcıl iki partlayış baş verdiyini müşahidə ediblər.//Axar.az
