ABŞ-nin “Oracle Advisory” təşkilatı Azərbaycanda keçirilən növbədənkənar prezident seçkisi ilə bağlı “exit -poll”un nəticələrini açıqlayıb.
Təşkilatın nümayəndəsi Vlada Qalan bildirib ki, Azərbaycanda bundan qabaq da seçkiləri müşahidə ediblər:
“Exit-poll” 40 seçki dairəsi və beş seçki məntəqəsini əhatə edib. Biz fəxrlə söyləyə bilirik ki, 63 min nəfərdən çox seçicini müşahidə etmişik. Bizim data mərkəzimiz Bakıda yerləşirdi. 20 mərkəzdən 40 işçi bütün məlumatları daxil edib, mərkəzə və emala göndərib. Builki səsvermə əvvəlki illərə nisbətən yüksək idi. Bu gün “exit-poll”u tamamladıq”.
“Oracle Advisory” təşkilatının Azərbaycanda keçirilən növbədənkənar prezident seçkisi ilə bağlı “exit-poll”un nəticələrinə görə, İlham Əliyev 93,9 faiz səs toplayıb”.
5
Bunu təşkilatın nümayəndəsi Corc Birnbaum bildirib.
Onun sözlərinə görə, namizədliyi özü tərəfindən irəli sürülən Zahid Oruc 1,8 faiz, Böyük Quruluş Partiyasının prezidentliyə namizədi Fazil Mustafa 1,5 faiz, Bütöv Azərbaycan Xalq Cəbhəsi Partiyasının prezidentliyə namizədi Qüdrət Həsənquliyev 1,2 faiz, Milli Cəbhə Partiyasının prezidentliyə namizədi Razi Nurullayev 0,9, Böyük Azərbaycan Partiyasının prezidentliyə namizədi Elşad Musayev 0,4, namizədliyi özü tərəfindən irəli sürülən Fuad Əliyev 0,3 faiz səs toplayıb.
Adətən normal cəmiyyətlərdə 1%-dən çox az xalq səsini toplayan namizədlər belə bir rüsvayçılığa dözməyərək adətən intihara cəhd edirlər. Ona görə ailələri və yaxınları belə namizədlərin seçkidən sonrakı hərəkətlərini nəzarətdə saxlayırlar. Bizdə isə bunun əksini gördük. Hörmətli prezidentliyə namizəd olmuş siyasətçilər verdikləri pozlardan məlum olur ki, onlar nəticələrdən çox razı qalıblarmış.
O qeyd edib ki, bu seçki demokratiyanın qələbəsidir.
