Bakıda fəaliyyət göstərən "Özsüt" restoranlar şəbəkəsindən vətəndaşlar narazılıq edir. "Dia.az" xəbər verir ki, sosial şəbəkələrdə paylaşılan giley dolu mətnlərdə qeyd olunur ki, son 2-3 ildir "Özsüt"ün sahibləri 1 manat xərc çəkib təmizlik-dezinfeksiya işləri görmür: "Bunun da nəticəsində natəmizlik, antisanitariya baş alıb gedir..."
Qeyd edək ki, başqa bir müştəri isə konkret fotofaktla iddiasını əsaslandırıb. Narazı vətəndaş "Müştəriyəm Şikayətim Var" sosial qrupundakı paylaşımında yazır:
" "Özsüt"ün "Gənclik mall" filialında belə bir hal ilə rastlaşdıq: yemək masasında tarakan peyda oldu... İşçilərə xəbər verdik... Onlar da sağ olsunlar... gəldilər tarakanı ustalıqla "salfetka" ilə öldürdülər..."
Narazı vətəndaşın təqdim etdiyi foto:
"Dia.az" xəbər verir ki, başqa bir vətəndaş sözügedən fotofaktı maraqlı formada şərh edib. Şərhdə deyilir:
"Bu o deməkdir ki, oraya getməyin. Tarakan deyib sizə... durub gedin. Görün içəri mətbəxi nə gündədir indi..."(Dia.az)
