Tarix təkrarlanır Deputatlığa namizəd Əhməd Şahidova qarşı "erməni" təxribatı
9 Fevral Milli Məclisə növbədənkənar seçkilərdə ən çox qanun pozuntuları və təxribatların qeydə alındığı dairələrdən biri də 112 saylı Qax seçki dairəsidir ki, artıq sosial şəbəkələrdə bu barədə çoxlu sayda informasiyalar dolaşmaqdadır. Ötən gün redaksiyamıza daxil olan məlumat isə bizdə həqiqətən də şok effekti yaratdı və məsələni ictimailəşdirmək qərarına gəldik.
Belə ki, Qax rayonundan deputatlığa namizədlər arasında ən şanslı namizədlərdən sayılan Əhməd Şahidova qarşı ötən günlər ardıcıl təxribat cəhdləri boşa çıxdıqdan sonra növbəti plan kimi onun fiziki cəhətdən zərərsizləşdirilməsi barədə planlar cızılır. Deputat Azər Kərimli Qaxdakı bir sıra əlaltıları ilə birlikdə ötən gün El Resort Hotelində qapalı görüş keçirmiş və əsas rəqibi olan Əhməd Şahidovun “aradan götürülməsi” məsələsini müzakirə etmişlər.
Bir-neçə versiya üzərində aparılan müzakirələrdə Əhməd Şahidovun “təsadüfi avtomobil qəzasına” salınması və ya da digər sui-qəsd cəhdləri nəzərdə keçirilib. Azər Kərimli bütün imkanlardan istifadə edərək, rəqibi Əhməd Şahidovun seçki gününə qədər məhv edilməsi və ya ağır bədən xəsarətləri almasına çalışır. Müzakirələrdə deputat Azər Kərimli, Qax Peşə Liseyinin direktoru Kamal Muxtarlı, Qax rayonunda Azər Kərimliyə yaxınlığı ilə seçilən peşəkar idmançı Ramil Məmmədli və icra başçısı Musa Şəkiliyevin fermer təsərrüfatında traktorçu kimi çalışan Əhməd adlı şəxs iştirak edib.
Deputatlığa namizəd Əhməd Şahidovun Qax şəhərində yaşadığı evin dislokasiyası, onun seçicilərlə görüşlərə getdiyi avtomobilin hərəkət marşrutu və digər detallar müzakirə edilib.
Məsələ ilə bağlı deputatlığa namizəd Əhməd Şahidovun özü ilə əlaqə saxladıq. Yayılan xəbərdən məlumatlı olduğunu bildirən Əhməd Şahidov dövlətin müvafiq orqanlarına və Azərbaycan Polisinə güvəndiyini deyərək, əlavə olaraq, şəxsi mühafizəsinə xüsusi diqqət ayırdığını də qeyd etdi.
Faktla bağlı hüquq mühafizə orqanlarına müraciət olunub. Məsələ diqqətimizdə saxlanılacaq.
P.S. Bu hadisə bizə uzaq tarixi bir daha xatırlatdı.1801-ci ildə Çar İmperiyası Gürcüstanı tam işğal etdikdən sonra Car-Balakən istiqamətində birbaşa hücuma cürət etməmişdi. Çünki bilirdi ki, Car-Balakən və İlisu Sultanlığını Gürcüstan kimi asanlıqla məğlub etmək olmazdı. Bu xəbərləri isə general Sisianova Carda yaşayan yerli ermənilər ötürürdülər. Rus İmperiyası 1803-cü ilədək erməni cəsuslarının planı üzrə 2 il hazırlıq işləri gördü. Regionda nə qədər qüvvənin olması, nə qədər atlı süvarinin olması və haralarda yerləşməsi kimi məlumatları topladıqdan sonra hücum əmri verildi. Və sonda İlisu Sultanlığı süquta uğradı. İlisu dağlarında rusların saldığı hərbi düşərcədə bir gecəyə 70 əsgər və zabit itirmişlər. Budur, yenə tarix təkrar olunur. Qədim İlisu Sultanlığı ərazisində daxili satqınların əlilə imkan verilmir ki, Sultanlığın Ə.Şahidov kimi nəvələri öz xalqının qeydinə qalması üçün Milli Məclisdə təmsil olunsun.
İfadetv.com
