Tərtərdə baş verən qətl hadisəsinin yeni təfərrüatları məlum olub.

“Qafqazinfo”nun əldə etdiyi məlumata görə, hadisə tərəflər arasında əvvəlcədən mövcud olan münaqişənin davamı kimi baş verib.

Belə ki, bir il əvvəl baş verən insident zamanı, qətlə yetirilən 1999-cu il təvəllüdlü Nabil Aslanov həmyerlisi 1995-ci il təvəllüdlü Səfixan Nağıyevə bıçaqla xəsarət yetiribmiş.

Ötən gün tərəflər arasında yenidən mübahisə yaranıb. Mübahisə zamanı Səfixan Nağıyev əvvəlki hadisəni xatırladaraq Nabil Aslanova çoxsaylı bıçaq zərbələri endirib. Ağır xəsarətlər alan Nabil Aslanov xəstəxanaya aparılarkən yolda dünyasını dəyişib.

Faktla bağlı cinayət işi başlanıb, araşdırmalar davam etdirilir.

Ziya Əmirxanlı

Tərtərdə ölümlə nəticələnən bıçaqlanma hadisəsi baş verib.

“Qafqazinfo” xəbər verir ki, hadisə şəhər ərazisində fəaliyyət göstərən kafelərdən birində qeydə alınıb.

Məlumata görə, Ağdam rayon sakini, 1999-cu il təvəllüdlü Nabil Aslanov naməlum şəraitdə hücuma məruz qalıb.

Bədəninin müxtəlif nahiyələrindən çoxsaylı bıçaq xəsarətləri alan yaralı dərhal Bərdə Diaqnostika Mərkəzinə çatdırılsa da, onun həyatını xilas etmək mümkün olmayıb. 27 yaşlı gənc yolda dünyasını dəyişib.

Faktla bağlı cinayət işi başlanılıb.

****

Tərtərdə 27 yaşlı gənci qətlə yetirən şəxsin kimliyi məlum olub.

Hadisəsini törətməkdə şübhəli bilinən şəxs 1995-ci il təvəllüdlü Nağıyev Səfixan Fikrət oğludur.

Ziya Əmirxanlı

Bu ilin ilk 3 ayı ərzində yol qəzalarında həlak olan sürücü və sərnişinlərin 33,6 faizi, yaralananların isə 29,1 faizi təhlükəsizlik kəmərini bağlamayan şəxslər olub.

“Qafqazinfo” xəbər verir ki, bu barədə Baş DYP İdarəsinin yaydığı məlumatda bildirilib.

“Qanunvericiliyin tələbinə əsasən, bir neçə hal istisna olmaqla, sürücü və sərnişinlər avtomobildə təhlükəsizlik kəmərini bağlamalıdır. Bununla yanaşı, sürücü hərəkətə başlamazdan əvvəl avtomobildə olan sərnişinlərin təhlükəsizlik kəmərlərini bağlamalarını təmin etməlidir. Yəni ən azından sürücü bu barədə sərnişinlərə xəbərdarlıq etməlidir.

Hərəkət vaxtı sərnişinlərinin təhlükəsizlik kəmərlərini bağlamalarına nail olan sürücü həm qanunun tələbini yerinə yetirir, həm də gələcəkdə özü üçün yarana biləcək hüquqi problemlərin qarşısını alır. Sərnişinlər də təhülkəsizlik kəmərini bağlamaqla özlərinin həyat və sağlamlıqlarını, sürücüləri isə hüquqi məsuliyyətdən sığortalamış olurlar”, - deyə qurumun müraciətində vurğulanıb.

Masazır qəsəbəsində 2 nəfər qətlə yetirilib.

“Qafqazinfo”nun əldə etdiyi məlumata görə, bu gün Abşeron rayonu Masazır qəsəbəsində 39 və 30 yaşlı iki qadına kəsici-deşici alətlə xəsarət yetirilməsi və onların hadisə yerində ölməsi barədə polisə məlumat daxil olub.

Hazırda polis əməkdaşları tərəfindən cinayət əməlini törətməkdə şübhəli bilinən şəxsin saxlanılması istiqamətində tədbirlər görülür.

Əlavə məlumat veriləcək.

***

Masazırda evdə qətlə yetirilən qadınların şəxsiyyəti məlum olub.

Əldə etdiyimiz məlumata görə, ölən şəxslərin 1987-ci il təvəllüdlü Pərişan Əlövsət qızı Süleymanova və 1996-cı ildə anadan olmuş Nuranə Rüstəm qızı İsgəndərli olduqları müəyyənləşdirilib.

Əməliyyat-axtarış tədbirləri davam etdirilir.

Aslan Vəliyev

Sosial şəbəkələrdə “Enoor” adı ilə tanınan Elnar Quliyeva cinayət məsuliyyətinə cəlb edilib.

“Qafqazinfo” xəbər verir ki, Daxili İşlər Nazirliyinin İnsan Alverinə qarşı Mübarizə Baş İdarəsinin əməkdaşlarının keçirdiyi tədbirlərlə o saxlanılıb.

Elnar Quliyevaya qarşı Cinayət Məcəlləsinin 144-cü (insan alveri) maddəsi ilə ittiham irəli sürülüb. Məhkəmənin müvafiq qərarı ilə onun barəsində həbs qətimkan tədbiri seçilib.

İstintaq tədbirləri davam etdirilir.

Zaqatala şəhər 6 saylı körpələr evi və uşaq bağçasının sabiq müdiri Lətifə Hasilovanın qanunsuz əməllərinə dair rayon prokurorluğunda başlanmış cinayət işi üzrə ibtidai istintaq yekunlaşıb.

“Qafqazinfo” xəbər verir ki, bu barədə rayon prokurorluğu məlumat yayıb.

Bildirilib ki, istintaq zamanı Lətifə Hasilovanın qeyd olunan vəzifədə işlədiyi dövrdə rəhbərlik etdiyi müəssisəyə işə qəbul olunması məqsədilə ümumilikdə 10 nəfərdən külli miqdarda pul vəsaitini rüşvət qismində alması və digər qanunsuzluqlar törətməsinə əsaslı şübhələr müəyyən edilib.

Toplanmış sübutlar əsasında Lətifə Hasilovaya Azərbaycan Respublikası Cinayət Məcəlləsinin 311.3.2 və 311.3.3-cü (təkrar və külli miqdarda rüşvət alma) maddələri ilə yekun ittiham elan olunub.

Cinayət işi üzrə ibtidai istintaq başa çatdırılaraq ittiham aktı ilə baxılması üçün aidiyyəti üzrə Şəki Ağır Cinayətlər Məhkəməsinə göndərilib.

Şəmkirdə qətl hadisəsi baş verib.

Oxu.Az APA-ya istinadən bildirir ki, rayon sakini 2007-ci il təvəllüdlü Ramal Quliyev bıçaqlanıb. Gənc oğlan xəstəxanaya aparılarkən yolda ölüb.

İlkin məlumata görə, R.Quliyevi Kür qəsəbəsi sakini 2010-cu il təvəllüdlü F.Paşazadə aralarında baş verən mübahisə zamanı bıçaqlayaq öldürüb.

Hadisə yerinə polis və prokurorluq əməkdaşları cəlb ediliblər.

Şəmkir Rayon Polis Şöbəsinin əməkdaşlarının keçirdikləri müvafiq tədbirlər nəticəsində Şəmkir rayon sakini, 19 yaşlı Ramal Quliyevi kəsici-deşici alətlə qətlə yetirməkdə şübhəli bilinən 16 yaşlı F.Paşazadə saxlanılıb.

Tərtər rayonunda ağır yol-nəqliyyat hadisəsi baş verib.

“Qafqazinfo” xəbər verir ki, qəza rayonun Qaradağlı kəndi ərazisində qeydə alınıb.

Qəza nəticəsində 1958-ci il təvəllüdlü Nəsrəddin Ağayev və 1971-ci il təvəllüdlü Yunus Ağayev hadisə yerində həyatlarını itiriblər. Bildirilir ki, dünyasını dəyişən şəxslər qardaş olublar.

Qəza zamanı 1991-ci il təvəllüdlü Sənan Ağayev və Könül Aslanova müxtəlif dərəcəli bədən xəsarətləri alıblar.

Yaralılara ilkin tibbi yardım göstərildikdən sonra onlar Gəncə şəhərində yerləşən xəstəxanalardan birinə çatdırılıblar.

Faktla bağlı araşdırma aparılır.

Ziya Əmirxanlı