Türkiyədə “Star TV” ekranlarında yayımlanan “Sevdiyim Sənsən” serialında birlikdə rol alan Aytaç Şaşmaz və Helin Kandemir barədə yeni iddia gündəmə gəlib.

“Qafqazinfo” xəbər verir ki, serialda sevgili obrazlarını canlandıran cütlüyün çəkiliş meydançasında başlayan dostluğu zamanla romantik münasibətə çevrilib.

Bildirilir ki, yeni başlayan münasibəti ictimaiyyətdən uzaq saxlamağa çalışan cütlük çəkilişlərdən kənarda birlikdə görünməməyə diqqət edir.

Helin Kandemirin daha əvvəl verdiyi müsahibələrdən birində Aytaç Şaşmaz haqqında “Çox gözəl bir ürəyi var” ifadəsini işlətməsi də sosial mediada yenidən gündəmə gəlib və tərəflər arasındakı yaxınlığın işarəsi kimi dəyərləndirilib.

Bundan əlavə, Helin Kandemirin Aytaç Şaşmazın qardaşının arvadını sosial mediada izləməyə başlaması da diqqət çəkib və bu detal münasibət iddialarını gücləndirən amillər arasında göstərilib.

Dünya şöhrətli qolfçu Tayger Vudsun ABŞ Prezidenti Donald Trampın keçmiş arvadı Vanessa Tramp ilə münasibətləri ortaya çıxıb.

“Qafqazinfo” “People” jurnalına istinadən xəbər verir ki, 50 yaşlı Vuds Vanessa Trampla münasibətləri çərçivəsində onun ailə həyatına tam inteqrasiya olunub.

Məlumata görə, əfsanəvi idmançı Vanessanın uşaqları, xüsusilə də Donald Trampın 18 yaşlı qızı Kai Tramp ilə çox yaxın münasibətdədir. Jurnal yazır ki, Kai hazırda orta məktəbi bitirməyə hazırlaşır və ögey atası hesab olunan Vudsun yolunu davam etdirərək qolfçu və sosial media fenomeni kimi karyera qurmağı hədəfləyir.

Lakin cütlüyün münasibətləri son həftələrdə ciddi sınaqla üzləşib. Belə ki, Tayger Vuds martın 27-də Florida ştatında sərxoş vəziyyətdə avtomobil idarə etmək ittihamı ilə həbs olunub. Bu hadisədən sonra o, Auqustada keçirilən nüfuzlu “Masters” turnirində iştirakdan imtina etmək məcburiyyətində qalıb.

Polis hesabatlarına görə, qəzadan dərhal sonra Vudsun üzərindən güclü ağrıkəsici preparatlar tapılıb. İdmançı özü isə 7 bel və 20-dən çox ayaq əməliyyatı keçirdiyini, bu səbəbdən reseptli dərmanlar qəbul etdiyini bildirib.

Qeyd olunub ki, Vuds saxlanılan zaman polislərə “Prezidentlə (Donald Trampla) danışdığını” deyib. Lakin yaşanan xaosa baxmayaraq, Vanessa Trampın sevgilisini tərk etmədiyi və ona tam dəstək olduğu bildirilib.

Türkiyə serial sənayesində büdcələrin artması aktyorların qazancına da təsir edib.

“Qafqazinfo” xəbər verir ki, 2026 mövsümü üçün sənaye dairələrində dolaşan məlumatlara görə, bəzi məşhur aktyorlar epizod başına 4 milyon TL-dən (təxminən 153 min manat) çox maaş alır.

Bildirilir ki, Kıvanç Tatlıtuğ və Kenan İmirzalıoğlu siyahının başındadır və hər bölüm üçün milyonlarla TL qazanırlar. Çağatay Ulusoy da yüksək maaşlı aktyorlar arasında yer alır.

Son illərdə türk seriallarının beynəlxalq satışlarının artması və rəqəmsal platformalara yatırımların yayılması aktyor maaşlarının rekord səviyyəyə çatmasına səbəb olub. Xüsusilə böyük pərəstişkar bazasına malik yüksək reytinqli layihələrdə rol alan aktyorların hər bölüm üçün ödənişləri milyonlarla TL təşkil edir.

Gənc aktyorlar da bu siyahıda yer alır: Afra Saraçoğlu və Mert Ramazan Demir son dönəmlərdə məşhur seriallarla adlarını tanıdaraq yüksək maaş qazanmağa başlayıblar. Qadın aktyorlar arasında isə Demet Özdemir və Hande Erçel ən yüksək ödənişlərə malikdirlər.

Ən çox qazanan aktyorlar və hər seriyaya görə maaşları belədir:

Kıvanç Tatlıtuğ: 4.000.000 - 4.500.000 TL (təxminən 153-172 min manat),

Kenan İmirzalıoğlu: 4.000.000 TL (təxminən 153 manat),

Çağatay Ulusoy: 3.000.000 - 3.500.000 TL (təxminən 114-133 min manat),

Afra Saraçoğlu: 2.500.000 TL (təxminən 95 min manat),

Mert Ramazan Demir: 2.500.000 TL (təxminən 95 min manat),

Demet Özdemir: 2.000.000 TL (təxminən 76 min manat),

Hande Erçel: 1.750.000 TL (təxminən 67 min manat),

Ozan Akbaba: 1.500.000 TL (təxminən 57 min manat),

Akın Akınözü: 1.500.000 TL (təxminən 57 min manat),

Sinem Ünsal: 1.000.000 TL (təxminən 38 min manat).

Avropa Yayım İttifaqı (EBU) Avstriyanın paytaxtı Vyanada keçiriləcək “Avroviziya-2026” mahnı müsabiqəsinin yarımfinalları üzrə çıxış ardıcıllığını elan edib.

“Qafqazinfo” xəbər verir ki, püşkatmanın nəticələrinə əsasən, mayın 12-də baş tutacaq birinci yarımfinalda səhnəyə ilk olaraq Moldova nümayəndəsi çıxacaq, şounun bağlanışını isə Serbiya təmsilçisi edəcək.

Mayın 14-də keçiriləcək ikinci yarımfinalın açılışını Bolqarıstan, sonuncu çıxışını isə Norveç edəcək. Azərbaycan təmsilçisi JIVA bu yarımfinalda “Just Go” mahnısı ilə ikinci sırada səhnəyə çıxacaq.

Qeyd edək ki, yubiley xarakterli 70-ci “Avroviziya” mahnı müsabiqəsinin final mərhələsi mayın 16-da keçiriləcək.

Türkiyənin məşhur “Eşref Rüya” serialının aktyoru Ramazan Tetik vəfat edib.

“Qafqazinfo” xəbər verir ki, bu haqda onun sənət yoldaşları məlumat yayıb.

Belə ki, infarkt keçirərək xəstəxanaya yerləşdirilən Tetik 37 yaşında dünyasını dəyişib.

Türkiyəli aktrisa Tuğba Büyüküstün baş rolda oynayacağı “Sultana” filminin ilk fraqmentindəki rəqsi ilə diqqət çəkib.

“Qafqazinfo” xəbər verir ki, aktrisa filmdə gecə klubunda rəqs edən Meral obrazı üçün 3 aylıq kurs keçib.

Qeyd edək ki, film yeddi rəqqasənin hekayəsi və onların üzləşdiyi çətinliklərdən bəhs edir.

Rollarda Derya Pınar Ak, Seray Kaya, Begüm Akkaya, Rojbin Erden, İtır Esen və Şirin Sultan Saldamlı da yer alır.

Məşhurlara yönəlmiş “narkotik” istintaqında yeni dalğa çərçivəsində “Beşiktaş”ın keçmiş prezidenti Fikret Orman, “Galatasaray”ın keçmiş prezidenti Burak Elmas, iş adamları Hakan Sabancı və Kerim Sabancı, eləcə də modellər Didem Soydan və Güzide Duran saxlanılıb.

“Qafqazinfo” Türkiyə mətbuatına istinadən xəbər verir ki, istintaq çərçivəsində aktrisa Hande Erçel haqqında da saxlanılma qərarının olduğu bildirilib. Erçelin hazırda xaricdə olduğu qeyd edilir.

Məlumata görə, Fikret Orman və Güzide Duran birlikdə, iş adamı Kerim Sabancı isə xaricdən qayıdarkən İstanbul Hava Limanında saxlanılıb.

Xatırladaq ki, Türkiyədə ötən ildən narkotiklə bağlı həyata keçirilən əməliyyat çərçivəsində aralarında Hadisə, İrem Derici, Birce Akalay, Kaan Yıldırım, Kubilay Aka, Mert Yazıcıoğlu, Doğukan Güngör, İsmail Hacıoğlu, Kemal Doğulu, Kaan Tangözenin də olduğu bir çox məşhur sima saxlanılıb və daha sonra sərbəst buraxılıb.

Qeyd edək ki, narkotik istintaqına cəlb olunan bir çox tanınmış şəxs nüfuzlarının zədələndiyini və günahsızlıq prezumpsiyasının ictimaiyyət qarşısında pozulduğunu bildirir.

Türkiyədə “Veliaht” serialı gözlənilən reytinqləri əldə edə bilmədiyi üçün yayımdan çıxarılır.

“Qafqazinfo” xəbər verir ki, “Show TV” kanalında yayımlanan serial 26-cı bölümü ilə final edəcək.

Məlumata görə, serialın bağlanması qərarında əsas səbəb iqtisadi çətinliklər olub. FARO və “Gold Yapım” tərəfindən istehsal olunan layihənin uzun müddətdir maliyyə baxımından zərərdə olduğu bildirilib.

Bildirilib ki, çəkiliş qrupu Qars şəhərində işləri başa vurduqdan sonra İstanbula qayıdacaq və serialın son – 26-cı bölümü burada çəkiləcək.

Serialın son bölümlərindən birində Bora Akkaşın canlandırdığı Zafer obrazının ölüm səhnəsi diqqət çəkib. Bildirilir ki, serialı yaxından izləyən məşhur müğənni Sezen Aksu bu səhnədən təsirlənərək, “Kar” adlı mahnı yazıb.

Qarsda çəkilişlərinin aparılması və fərqli hekayə xətti səbəbindən serial sosial mediada tez-tez müzakirə olunsa da, gözlənilən izləyici sayına çata bilməyib.