Mərkəzi Bank rəhbəri "Amrah Bank"la bağlı yalan danışır
Lisenziyaları ləğv edilmiş "AtaBank" və "Amrahbank"da iş adamlarının cari hesablarında olan vəsaitləri bata bilər.
Marja.az-ın məlumatına görə, bunu bu gün keçirilmiş mətbuat konfransında Mərkəzi Bankın sədri Elman Rüstəmov deyib.
O bildirib ki, sahibkarların üzləşdikləri vəziyyətə görə təəssüf hissi keçirir:“Təəssüf edirəm, qanunvericiliyin tələbi belədir. Bu banklarda hesab açmaq iş adamlarının öz seçimləri idi. Əmanətlərin Sığortalanması Fondu ilk növbədə qorunan əmanətləri qaytaracaq. Sonra qanunvericiliyə əsasən növbəlilik var. Əgər vəsait olacaqsa, onlara da növbəlilik prinsipi ilə vəsaitləri ödəniləcək”.
Elman Rüstəmov keçirdiyi mətbuat konfrasında bildirib ki, "Amrah Bank"da apardığımız yoxlamalar göstərdi ki, bu bankda da "Atabank"da olduğu kimi ciddi kapital çatışmazlığı var.
"Amrah Bank"ın rəhbərliyinə əlavə vaxt verilmişdi. Biz onlara bildirdik ki, əlavə maliyyələşmə üçün imkanlar var. Onlar da buna razı olmadıqlarını dedikdən sonra biz bu qərarı verdik. AMB hansısa bankın bağlanmağında maraqlı deyil. Bu məsələ Maliyyə Sabitliyi Şurasında müzakirə edildi və həmin bankları sağaltmaq mümkün olmadığı üçün "cərrahiyyə əməliyyatı aparıldı", - deyə o, qeyd edib.
AMB sədri "Amrah Bank"ın əməkdaşlarının ötəngünki etirazlarına da münasibət bildirib və etirazın emosional xarakter daşıdığını deyib: "Amrah Bank"ın işçilərinin maaşının ödənilməsinə göstəriş vermişəm.Dorğudur, onlar öz iş yerlərini itiriblər, amma düşünürəm ki, bank sektoru ordan ixtisaslı kadrları cəlb edəcək".
P.S. Bizdə olan məlumatlara görə "Amrah bank"ın müflis elan edilməsinə heç bir əsas yox idi. Çünki bu banka çox imkanlı ərəb iş adamları investisya qoyur, əməkdaşlıq edirdilər. Bu bank hələ 1-ci Rus-Çeçn müharibəsindən ərəb ölkələrilə intensiv əməkdalılar etmiş, fantastik pullar qazanmışdır. Və Beynəlxalq Maliyyə Kəşviyyatları tərəfindən ciddi nəzarətə götürlümüşdür. Hələ yaxşı ki, indiyə qədər fəaliyyət göstərə biliblər. Yoxsa ki, bankın imkansızlıq ucbatından mərkəzi Bank rəhbəri tərəfindən daxili auditariya üçün danışılan nağılların heç bir əsası yoxdur.
İfadetv.com
