Abşeron rayonun Aşağı Güzdək qəsəbə sakini, iki zyaşlı uşaq anası Həsənova Vüsalə Xanəli qızı tərəfindən
Quba rayonun Hacıqayıb kənd bələdiyyə üzvləri tərəfindən dələduzluğa məruz qalması və ondan torpaq satmaq adı altında alınmış 2800 AZN pulun geri qaytarılması xahişilə dövlət başçısına müraciət etmişdir. Müraciəti olduğu kimi təqdim edirik:
" Mən, 2002/2003-cü tədris ili üzrə təyinatla Quba rayonun Hacıqayıb kənd orta məktəbində ibtidai sinif müəlliməsi kimi əmək fəaliyyətinə başlamışam. 2003-cü ildə ailə həyatı qurduğuma görə Bakıya qayıtmalı oldum. Lakin iş elə gətirdi ki, 2013-cü ildə ailəm dağıldığına görə, istədim ki, bir müddət problemlərdən uzaqlaşıb yenidən Quba rayonunda dərs dediyim kəndə qayıdıb işimi davam edim. Ona görə də əvvəlcə bu kənddə özümə bir həyətyanı torpaq alıb kiçik ev tikib yaşamağı planlaşdırdım.Bu məqsədlə mən atam Həsənov Xanəli Nurəli oğluilə Qubaya gəldik. Və vaxtıilə kirayədə qaldığım evin qonşuluğunda olan və atası –Əhmədov Cabbar yerli Bələdiyyənin üzvü olan şəxsin oğlu – Əhmədov Qafar Cabbar oğlu ilə və kənd Bələdiyyə sədri Aslanov Ərzumanla 2015-ci ilin yayında görüşüşb torpaq almaq fikrimizi bildirdik. Biz bu üç nəfərlə söhbət edib razılığa gəldik ki, Hacıqayıb kəndinin içində olan ağaclı torpaq shəsindən 0.08 ha –nı 5000 ( beş min) manat nağd , yəni, 3000 AZN-i əvvəlcədən, qalan 2000 AZN-i isə hissə-hissə ödəməklə verməyə razılaşdıq. Və biz pul üçün Bakıya qıyıtdıq.Bank of Bakunun Nəsimi filialından 4000 AZN pul kredit götürüb bu pulun 2800AZ-i bir həftə sonra Qubaya apardım. Bu bir həftə ərzində Qafar Əhmədov hər gün mənə zəng edir, pulu tez gətirməyi deyirdi. Guya torpağı başqaları da istəyirmiş və s. sözlər. Mən pulu hazırlayıb Qubaya aparanda Qafar ailəsilə Qəçreş kəndinə getdiklərindən ecdə tapmadım. Mən onunla telefonla danışıb 2800 AZN gətirdiyimi bildirdim. O isə qonşudakı mənim kirayədə qaldığım və tanıdığım Cavahair xanıma pulu verməyi tapşırdı. Dedi qayıdanda mən Cavahirdən pulu alaram. Belə də etdim. Pulu Cavahirə verib Bakıya qayıtdım. Lakin üstündən xeyli vaxt keçməsinə baxmayaraq mənim torpaq məsləm həll olunmamış qaldı. Bu illərdə dəflərlə Qubaya Qafarın evinə gedib onun ailəsilə də danışdım ki, əgər iş düzəlmirsə kömək edin mən pulumu Bələdiyyədən qaytarım alım. Qafarın tası da mənə söz verdi ki, narahat olma Qafarın səndən aldığı pulları biz çalışıb hissə hissə qaytararıq. 2015-ci ilin payızında mən də qardaşım da Hacıqayıb Bələdiyyə sədri Ərzuman müəllimlə telefonla danışdıq. O təsdiq etdi ki, bəli, Qafar mənə torpaq işinə görə 2000 AZN vermişdir. Lakin az müddətdən sonra o gəlib məndən əvvəlcə 1000 manat, sonra yenə də 1000 manatı geri götürüb bildirdi ki, bu iş alınmadı. Vüsalə daha torpağı istəmədi. Budur, bu günə qədər Qafar və ailəsi məni pulu qaytaracağıilə bağlı söz versələr də qaytaramırlar. Qubadan Bakıya dönən kimi verdikləri telefon nömrələrini dəyişirlər.
Mən Cavahirə 2800 AZN pulu verərəkən onun anası Rəbihə Əhmədova da şahid kimi faktı təsdiq edir.
Çoxhörmətli dövlətimizin başçısı cənab İlham Əliyev hazırda mən 2 övladımla birlikdə yaşadığım qəsəbədə çox ağır güzərən keçiririk. Hələ də bankdan alıb dələduzlara verdiyim pullara görə qohumlarıma borc ödəyirəm. Ona görə maddi sıxıtılar içində yaşayıram. Şəxsən Sizdən çox xahiş edirəm ki, pulumun qaytarılması üçün mənə lazımi köməklik göstərəsiniz. Sağ olun."
P.S. Verilən məlumatdan o da məlum olmuşdur ki, yerli bələdiyyənin "makleri" vəzifəsini icra edən Qafar Cabbarov digər şəxslərə qarşı da analoji dələduzluq etmiş və bu barədə yerli polis şöbəsinə şikayətlər daxil olmuşdur. Hətta o da bildirilir ki, Qafar narkotik şübhəsi ilə yerli polis şöbəsində barəsində araşdırmalar aparılmışdır. Ümid edirik ki, bu gün ağır iqtisadi vəziyyətdə yaşayan bir azərbaycanlı qadının müraciəti yerli hüquq- mühafizə orqanları tərəfindən ədalətlə arşdırılacaq və dələduz dəstə ifşa ediləcəkdir.
