FIFA prezidenti Canni İnfantino Bakıda U-15 dünya çempionatı və festivalının təşkilinə görə Prezident İlham Əliyevə təşəkkürünü bildirib.
“Qafqazinfo” xəbər verir ki, o, bununla bağlı “Instagram” hesabında paylaşım edib.
Canni İnfantino Bakıda keçirilən açılış mərasimini tarixi gün və fantastik adlandırıb.
“Azərbaycan Respublikasının Prezidenti İlham Əliyevə, Baş nazirin müavini Samir Şərifova, hökumətə, Rövşən Nəcəfin rəhbərlik etdiyi AFFA kollektivinə, FIFA-dakı həmkarlarıma və bu xüsusi çempionatın təşkilində əməyi keçən hər kəsə təşəkkür edirəm.
Biz hər bir gənc istedada şans verir və altı konfederasiyanın hamısında FIFA-nın 189 üzv ölkəsindən gəncləri birləşdirir, onların ilk FIFA dünya çempionatında unudulmaz xatirələr yaradırıq”, - deyə FIFA prezidenti bildirib.
Qeyd edək ki, oktyabrın 24-də Bakı Kristal Zalında 15 yaşadək oğlanlar arasında futbol üzrə ilk dünya çempionatı və festivalının rəsmi açılış mərasimi keçirilib. Azərbaycan Prezidenti İlham Əliyev, birinci xanım Mehriban Əliyeva, ailə üzvləri və FIFA prezidenti Canni İnfantino mərasimi izləyiblər.
Açılış mərasimindən sonra keçirilən Azərbaycan-Timor-Leste yığmalarının oyunu milli komandamızın 6:0 hesablı qələbəsi ilə başa çatıb.
