Ağsu rayonu, Kalva kəndində yaşayan Hacıyev Seymur Namid oğlu tərəfindən ölkənin direktiv və mətbuat orqanlarına “Oraz Cami oğlu Kazımovun törətdiyi özbaşnalıqlara birdəfəlik son qoyulması” barədə etdiyi 29 dekabr 2019-cu il tarixli müraciəti digər KİV-lər kimi İfadetv.com saytı da həmin kəndin bir neçə sakinlərilə müzakirə etdikdən sonra 30 dekbar 2021-cu ildə “KORRUPSİONER Q.BƏYBALAYEVİN QOHUMU AĞSUDA AT OYNADIR” başlığ altında olduğu kimi dərc etmişdir. Qarşı tərəf olan O.Kazımov bizimlə telefon danışığı zamanı öz iradını bildirmişdir ki, yazı müəllifi Seymur Hacıyevin bir epizod üzrə qeyd etdiyi kimi, guya onun yerli kənd bələdiyyəsinin sədri olmuş atası Namid Hacıyevin ölümündə onu günahlandırması doğru deyildir. Redaksiyamız O.Kazımova hər zaman onun da mövqeyini dərc etməyə hazır olduğunu bildirsə də o bu təkliflə razılaşmamış və prokurorluğa müraciət edəcəyini bildirmişdir.
Ağsu rayon prokuroru cənab Namiq Muradaovun O.Kazımovun verdiyi şikayəti araşdırılmış və ona 21 fevral 2020-ci il tarixli rəsmi cavab məktubu təqdim edilmişdir. Rəsmi məktub redaksiyamıza 14 dekabr 2020-ci ildə təqdim edilmişdir. Məktubda bildirilir:
“ Araşdırma nəticəsində müəyyən edilmişdir ki, Ağsu rayon Kalva kənd bələdiyyə sədri olmuş Hacıyev Namid Ağasan oğlu 11 oktyabr 2019-cu ildə, səhər saatlarında yaşadığı evin həyətindəki su quyusundan motorla su vurmaq istərkən, müvazinətini itirərərk, başı üstə aşağı vəziyyətdə, baş aşağı işi su ilə dolu olan quyuya düşmüş və suda boğulma nəticəsində ölmüşdür.
N.Hacıyevin ölməsi faktında cinayət hadisəsi olmadığından, 08 noyabr 2019-cu il tarixli qərarla toplanmış material üzrə cinayət işinin başlanması rədd edilmişdir.
Araşdırma zamanı N.Hacıyevin ölümündə Sizin hər hansı formada təqsiriniz müəyyən edilməmişdir.”
Cənab prokurorun məktubundan göründüyü kimi, Seymur Hacıyevin həmkəndlisi olmuş Oraz Kazımovu atasının ölümündə təqsirli olması sübuta yetirilmədiyindən redaksiyamız da “KORRUPSİONER Q.BƏYBALAYEVİN QOHUMU AĞSUDA AT OYNADIR” başlığ altında verilmiş yazıda həmin epizod üzrə məlumatı təkzib edir.
İfadetv.com
