Son günlər media çapında AMEA-nın prezidenti Ramiz Mehdiyevin məsuliyyətsiz basqılarından cana döymüş bir sıra elm xadimləri çıxış yolunu Azərbaycan elminin məhv edilməsi istiqamətində planlı surətdə siyasət yeridən akademikin postunu tərk etməsini istəyirlər. Onlar bu tələblərini çox düzgün olaraq əsaslandırırlar. Bəs cənab R.Mehdiyev bu təzyiq və basqılara 1%-də olsa əhəmiyyət verirmi? Müşahidələrimiz deməyə əsas verir ki, əsla. Çünki bu adam respublikada kimdənsə çəkinmir və narahatçılığı belə hiss olunmur. Özünün təbirincə dediyi kimi, " Mən 27 il dölətimə sədaqətlə xidmət etmişəm." Bəs görəsən o hansı dövləti nəzərdə tutur? Hakimiyyətdə olduğu 27 il ərzində Azərbaycanda baş verən hadisələr barədə gündə 3 dəfə məruzə etdiyi Rusiya Federasiyasınımı, yoxsa bu illər ərzində külli-miqdarda var-dövlət və sərvətlər topladığı Azərbaycanımı? Ağıllı və cəsarətli ziyalılarımız bu sualların cavablarını yaxşı bilirlər. O zaman ölkədə Ramiz Mehdiyevə qarşı başlanmış planlı bəyanatların hər hansı bir əhəmiyyəti olacaqmı? Xeyr. Bu adama könüllü surətdə istefa ərizəsi yazması yalnız və yalnız Rusiya prezidenti cənab Putinin xahişindən sonra baş tuta bilər. Axə adamın 27 ildə topladığı sərvətləri heç 53 Avropa ölkəsinin prezidentlərində belə yoxdur (Əlbəttə ki, bu siyahıda cənab Putini çıxmaq şərtilə). Odur ki, R. Mehdiyevə istefaya dəvət edən alimlərimizin, deputatlarımıza tövsiyə edərdik ki, hamısı yığılıb cənab V.Putinə müraciət etsinlər. Bəlkə o zaman Azərbaycan elmini R.Mehdiyev və onun "ştirlislərdən" ibarət komandasından xilas etmək mümkün oldu.
İfadetv.com
